FAIR and interactive data graphics from a scientific knowledge graph

Pous Johannes VIII
Pontifikaat begin	13 Desember 872
Pontifikaat eindig	16 Desember 882
Voorganger	Adrianus II
Opvolger	Marinus I
Gebore	±820 Rome, Italië
Sterf	16 Desember 882 Rome, Italië
Ander pouse genaamd Johannes

Johannes VIII was die 107de pous van die Rooms-Katolieke Kerk.

Pous Johannes VIII is gebore in Rome, Italië ongeveer in die jaar 820 die seun van Gundus. In 852 word hy as aartsdeken aangestel. Op 13 Desember 872 volg hy Pous Adrianus II op en regeer tot sy dood op 16 Desember 882. Die pous is dood (volgens die Annale van Fulda) nadat sy familie hom eers vergiftig het en toe hy nie gou genoeg wou sterf nie, met 'n hamer oor die kop geslaan het. Hy word opgevolg deur Pous Marinus I. Die naam ‘Johannes’ beteken 'God is genadig'.

Pous Johannes VIII se verkiesing is teengestaan deur (die latere) Pous Formosus en die het hom teengestaan deur sy hele pontifikaat. Daar is teenstrydige beskrywings van sy pontifikaat. Party historici beskou hom as die beste pous in die 9de eeu, terwyl ander aanvoer dat hy wreed, wêrelds en inkonsekwent was.^[1] Die pous het 'n hervorming van die curie deurgevoer. Sonder veel hulp van die Europese konings het hy probeer om die Sarasene uit Italië te verdryf. In 876 het self met 'n vloot die Saraseense seerowers verslaan. Dit het egter nie gehelp nie en hy moes skatting (tribuut) aan die Sarasene betaal. In die voorjaar van 878 moes die pous weens die bedreiging van die Sarasene Italië verlaat en het naar Arles gevlug.

Die pous het die gebruik van die Slawiese taal in die heilige ritus deur Sint Methodius in 880 herbevestig. In 879 beëindig hy die skeuring met die kerk in Konstantinopel deur Patriarg Photius te erken. Johannes VIII was ook ten gunste van die geloofsbelydenis van Nicea sonder die filioque.

Op 7 September 878 kroon hy Lodewyk II as koning van die Franke. Op 25 Desember 875 kroon hy Karel die Kale tot keiser van die Heilige Romeinse Ryk en op 9 Februarie 881 sy opvolger Karel die Dikke.

Volgens legende het 'n vrou met die naam Johanna onder naam Pous Johannes aan die begin van die 9de eeu regeer. Sy is uitgevang en uit die annale van die kerk verwyder. Die meeste historici verwerp die storie en glo dat dit in die 13de eeu geskryf is deur Martin van Opava.

Daar is geen verdere verbintenis tussen Pous Johannes VIII en die legende nie.

• Davis, R. (1995). The Lives of the Ninth-Century Popes from A.D. 817 – 891 (English Translation of the Liber Pontificalis) Liverpool University Press.
• Duff, Eamon (2001). Saints and Sinners: A History of the Popes, Yale University Press. ISBN 0300091656
• Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.

Die Engelse Wikisource bevat bronmateriaal oor hierdie onderwerp onder die titel:

Catholic Encyclopedia (1913)/Pope John VIII

• CE Inskrywing in die Catholic Encyclopedia (Engels)

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
• PTA Inskrywing in "Popes through the Ages" deur J. Brusher S.J. (Engels)

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.