FAIR and interactive data graphics from a scientific knowledge graph
Die Keiserin is die derde troefkaart in tarotkaartspeletjies en die derde Groot Arcana-kaart in pakke vir waarsêery. Dit word in albei gebuik.
Beskrywing
Die Keiserin sit op 'n troon met 'n kroon met 12 sterre op haar kop en 'n septer in een hand. Die septer verteenwoordig haar mag oor die lewe, die 12 sterre in haar kroon is die simbool van haar oorheersing oor die jaar, en haar troon is in die middel van 'n graanland; dit verteenwoordig haar oorheersing van groeiende dinge. Die Keiserin is verteenwoordigend van die produktiwiteit van die onderbewuste, met sade van idees.[1]
Geskiedenis
A.E. Waite en ander okkultiste is verantwoordelik vir die kroon van sterre, die embleem van Venus, die waterval en die plantegroei.
Die Keiserin kan verteenwoordig word deur Afrodite, die godin van die Romeinse mitologie. Sy word verbind met die Doodskaart, want sy is gewoond aan die lewe, dood en hergeboorte.
Vertolking
Volgens A.E. Waite se boek van 1919 The Pictorial Key to the Tarot, is Die Keiserin die minderwaardige (teenoor die natuur se meerderwaardige) Tuin van Eden, die "Aardse Paradys". Waite definieer haar as Refugium Peccatorum -- 'n vrugbare moeder van duisende.
Sy is 'n moeder, 'n skepper en versorger. In baie pakke kaarte is sy swanger. Sy kan die skepping van lewe verteenwoordig, asook romanse, kuns of sake. Sy kan die ontkieming van 'n idee verteenwoordig voordat dit gereed is om ten volle gebore te word.[2]
Die keiserin word in astrologie met die planeet Venus verbind.[3]
Verwysings
- ↑ Gray, E. (1960). The tarot revealed: A modern guide to reading the tarot cards. New York, N.Y.: Bell Publishing Company.
- ↑ "The Empress Tarot Card Meanings". Simply Tarot. Besoek op 6 Junie 2015.
- ↑ "The Empress Tarot Card Meanings". askAstrology.
Skakels
Wikimedia Commons het meer media in die kategorie Die Keiserin (tarotkaart).
Hierdie artikel is in sy geheel of gedeeltelik uit die Engelse Wikipedia vertaal.
