Effects of the storage conditions on the stability of natural and synthetic cannabis in biological matrices for forensic toxicology analysis: An update from the literature
Kuwu (Kapala Désa), nyaéta pamingpin hiji désa di Indonésia. Kapala Désa mangrupa pingpinan pamaréntah désa. Lilana jabatan Kapala Désa nyaéta 6 taun, tur sanggeusna bisa diperpanjang deui salila sakali mangsa jabatan. Kapala Désa henteu tanggung jawab ka Camat, tapi ukur dikordinasikeun ku Camat. Jabatan Kapala Désa bisa disebut kalayan ngaran séjén, misalna di Sumatra Kulon disebut Wali Nagari.
Wewenang kapala désa di antarana:
- Mingpin penyelenggaraan pamaréntahan désa dumasar kana kawijakan nu geus ditetepkeun babarengan Badan Pamusawarahan Désa (BPD)
- Ngajukeun rancangan peraturan désa
- Netepkeun Peraturan Désa sanggeus disatujuan bareng jeung BPD
- Nyusun sarta ngajukeun rancangan peraturan désa ngeunaan Anggaran Pendapatan jeung Balanja Désa (APB Désa) pikeun dibahas sarta ditetepkeun babarengan jeung BPD
Kapala Désa teu meunang jadi pangurus partéy politik (tapi bisa jadi anggota partéy politik), ngarangkep jabatan minangka Ketua atawa Anggota BPD, sarta lembaga kamasarakatan, ngarangkep jabatan minangka Anggota DPRD, milu kampanye Pamilihan Umum, Pamilihan Présidén, jeung Pamilihan Kapala Daérah.
Kapala Désa bisa dieureunkeun ku usul ti Pingpinan BPD ka Bupati/Walikota ngaliwatan Camat, dumasar kana kaputusan musawarah BPD.
Istilah Lurah sering rancu jeung jabatan Kuwu. Mémang, di Jawa ilaharna sacara historis pamingpin hiji Désa disebut Lurah. Tapi dina kontéks Pamaréntahan Indonésia, hiji Kalurahan dipingpin ku Lurah, sedengkeun Désa dipingpin ku Kuwu. Tangtu waé duanana henteu sarua, sabab ari Lurah mah Pagawé Nagri Sipil nu tanggung jawab ka Camat; sedengkeun Kuwu mah bisa dijabat ku singsaha waé anu geus minuhan sarat (bisa béda-béda gumantung masing-masing Désa) nu dipilih langsung ku rahayat ngaliwatan Pamilihan Kapala Désa (Pilkadés).
Pamilihan Kapala Désa
Kapala Désa dipilih langsung ngaliwatan Pamilihan Kapala Désa (Pilkadés) ku pangeusi désa satempat. Usia minimal Kuwu nyaéta 25 taun, pendidikan sahandap-handapna SLTP, tur mangrupa pangeusi désa satempat. Pamilihan Kapala Désa dilakukeun ku Panitia Pamilihan, nu dijieun ku BPD, sarta anggotanya ngawengku unsur parangkat désa, pangurus lembaga kamasarakatan, sarta inohong masarakat.
Cara pamilihan Kuwu bisa béda-béda antara hiji désa jeung désa séjénna. Pamilihan Kuwu jeung mangsa jabatannana sarta hak-hak tradisionalna salila hirup berlaku numutkeun hukum adat satempat.
Tempo Ogé
