Effects of the storage conditions on the stability of natural and synthetic cannabis in biological matrices for forensic toxicology analysis: An update from the literature
Somari
![](https://upload.wikimedia.org/wikipedia/commons/thumb/d/d6/Air_France_Airbus_A380-800_F-HPJB.jpg/250px-Air_France_Airbus_A380-800_F-HPJB.jpg)
Airbus A380 es un avion de linha civil fòrça gròs-portaire long-corrièr quadrireactor de doble pont produit per Airbus, filiala d'EADS.
En 2014 es l'avion de passatgièrs pus grand del mond en servici e lo tresen pus gròs avion de l'istòria de l'aeronautica, après lo Hughes H-4 Hercules e l'Antonov An-225. Lo pont superior de l'A380 s'esten sus tota la longor del fuselatge, çò que dona a la cabina 50 % de superfícia en mai que la de son concurrent dirècte, lo Boeing 747-400[1]. Realizèt son primièr vòl lo 27 d'abril de 2005 a Tolosa, e son primièr vòl comercial lo 25 d'octobre de 2007 entre Singapor e Sydney amb Singapore Airlines. Los elements son produch e assemblats dins diferents païses de l'Union Europèa ; los principals o son en França, en Alemanha, en Espanha e al Reialme Unit. D'autres peças venon d'autres païses coma Belgica e l'assemblatge final es realizat sul site de Tolosa, en Occitània.
L'A380 foguèt inicialament prepausat en doas versions :
- L'A380-800, la version passatgièr, que pòt transportar de 525 passagièrs a 853 passagièrs seguent la configuracion (tres classas estandards o classa economica unica).
- La version A380-800F cargo, que pòt emportar fins a 150 tonas de fret.
L'A380-800 a un rai d'accion de 15 400 quilomètres, çò que li permet de volar de Nòva York fins a Hong Kong sens escala, a la velocitat de 910 km/h (Mach 0,85) fins a 1 012 km/h (Mach 0,94)[2]. Aquela autonomia foguèt realizada segon la volontat de John Leahy, responsable de vente[3]. Son principal client es Emirates, la companhiá de Dubai avent comandat 50 aparelhs suplementaris lo 17 de novembre de 2013 per portar a 140 sa flòta d'A380. A la seguida del remplaçament de plusors A340-500, l'A380 de Qantas efectua dempuèi septembre de 2014 lo vòl comercial mai long del monde entre Sydney e Dallas/Fort-Worth, siá 13 804 km[4].
Referéncias
- ↑ (fr) A380, l’œil du designer, L'Express, 15 octobre 2007
- ↑ (en) Aircraft families: A380 specifications, Airbus
- ↑ https://web.archive.org/web/20150418040315/http://www.vanityfair.fr/actualites/international/articles/john-leahy-lhomme-derriere-le-succes-dairbus/25280 le 18 août 2015
- ↑ https://web.archive.org/web/20160303191912/http://www.air-journal.fr/2014-09-29-qantas-airways-le-plus-gros-avion-sur-le-vol-le-plus-long-5116468.html