Effects of the storage conditions on the stability of natural and synthetic cannabis in biological matrices for forensic toxicology analysis: An update from the literature
Kontenut
Serp | |
---|---|
![]() | |
Klassifikazzjoni xjentifika | |
| |
Informazzjoni ġenerali | |
Moviment |
snake locomotion (en) ![]() |
Sors |
snake meat (en) ![]() |
Is-sriep huma rettili tas-subordni Serpentes. Bħal kull rettilu ieħor, is-sriep huma miksija bil-qxur. Is-sriep kollha huma karnivori, u jintgħarfu mill-gremxul mingħajr saqajn minħabba n-nuqqas ta' kapep tal-għajnejn, saqajn u widnejn esterni. Jeżistu iktar minn 2,700 speċi differenti ta' sriep, mifruxa ma' kull kontinent minbarra l-Antartika, u jvarjaw ħafna fid-daqs: minn dawk żgħar madwar 10 cm bħas-serp spaga, sal-pituni u l-anakondi li jafu jikbru sa disa' metri (30 pied). Sabiex jakkomodaw l-iġsma rqaq tas-sriep, l-organi interni li jkunu f'pari (bħal ngħidu aħna, il-kliewi), jinsabu waħda 'l quddiem u l-oħra wara, minflok maġenb xulxin, kif jiġri pereżempju, fil-bniedem. Is-serp huwa wieħed mill-iktar annimali li jbeżża' għax ftit hawn tagħrif dwar is-sriep. Filwaqt li ħafna speċijiet jafu jkunu perikolużi għall-bniedem jekk maltrattati, fir-realtà, fis-sena ħafna iktar nies imutu għax jintlaqtu minn sajjetta milli minħabba gdim tas-sriep.
Filwaqt li s-sriep velenużi huma biss minoranza tal-ispeċijiet kollha (madwar 300 għandhom gidma velenuża), hemm biss madwar 50 speċi ta' sriep li huma perikolużi għall-bniedem; madwar 40,000 persuna fis-sena imutu minħabba s-sriep. Is-sriep tal-baħar huma iktar perikolużi minn dawk tal-art. Il-velenu tas-sriep jintuża primarjament sabiex joqtol jew irażżan il-priża, u mhux għad-difiża personali. Is-sriep setgħu evolvew mill-gremxul li adattaw u tgħallmu jħaffru fl-art, fil-Perjodu Kretaċju (madwar 150 Ma), avolja ħafna xjenzati jissuġġerixxu li s-sriep oriġinaw mill-baħar. Id-diversità tas-sriep moderni tfaċċat fil-Perjodu Paljoċeniku (madwar 66 sa 56 Ma).
Anatomija
![](https://upload.wikimedia.org/wikipedia/commons/thumb/7/7a/Cobra_hood.jpg/220px-Cobra_hood.jpg)
Is-sriep ma għandhomx widnejn, imma "jisimgħu" mis-sens tal-ħass billi jħossu l-vibrazzjonijiet tal-art. Ix-xedaq tagħhom mhux magħqud mal-bqija tar-ras u jista' jinfetaħ biex jibilgħu xi ħaġa li hi ħafna ikbar minn rashom. L-itqal serp mis-sriep kollha hu l-anakonda, li jaf jiżen 'il fuq minn 225 kg.
Tassonomija
- Dominju Eukaryota
- Renju Animalia
- Fajlum Chordata
- Klassi Reptilia
- Ordni Squamata
- Sottordni Serpentes, jew aħjar Ophidia
- Superfamilja Boidea, jew aħjar Henophidia
- Familja Aniliidae
- Familja Anomochlidae
- Familja Boidae
- Familja Bolyeriidae
- Familja Cylindrophiidae
- Familja Loxocemidae
- Familja Tropidophiidae
- Familja Uropeltidae
- Familja Xenopeltidae
- Superfamilja Colubroidea, jew aħjar Xenophidia
- Familja Acrochordidae
- Familja Atractaspididae
- Familja Colubridae
- Familja Elapidae
- Familja Hydrophiidae
- Familja Viperidae
- Superfamiglia Typhlopoidea, jew aħjar Scolecophidia
- Familja Anomalepidae
- Familja Leptotyphlopidae
- Familja Typhlopidae
- Superfamilja Boidea, jew aħjar Henophidia
- Sottordni Serpentes, jew aħjar Ophidia
- Ordni Squamata
- Klassi Reptilia
- Fajlum Chordata
- Renju Animalia