Effects of the storage conditions on the stability of natural and synthetic cannabis in biological matrices for forensic toxicology analysis: An update from the literature
ပၞာင်ကြက္ကဒိန်(အၚ်္ဂလိက်: Advent candle, Danish; Kalenderlys) ဂှ် ဒှ်ပၞာင် မစုတ်စၟတ်လဝ် လၟေင်တ္ၚဲ ပ္ဍဲဂိတုဒဳဇြေန်ပါ နူကဵု ဂိတုဒဳဇြေန်ပါ ၁ စဵုကဵု စိုပ် ခရေတ်သမာတ်။ အခိုက်ဏအ်ဂှ် ဗွဲမဂၠိုင် မလေပ်စကာ ပ္ဍဲကဵု သ္ၚိဂမၠိုင်တုဲ ပ္ဍဲကဵု ဘာကျာ်တအ်ဂှ် မလေပ်စကာ အောန်ရ။ ရိုဟ်ဒဒှ်တ္ၚဲ စနူ ဂိတုဒဳဇြေန်ပါ ၁ ဂှ် စဍေန်ပၞာင် မွဲတ္ၚဲညိ စဵုကဵုစိုပ် ဒၞာဲမစၟတ်သမ္တီလဝ် စၟတ်တ္ၚဲဂှ်တုဲ ဆက်ဍေန်အာ စဵုကဵုစိုပ် တ္ၚဲခရေတ်သမာတ်ရ။[၁] ပ္ဍဲသ္ၚိလ္ၚဵုတအ်မ္ဂး ပၞာင်ကြက္ကဒိန်ဂှ် ဂှ် ညးဍေန်လဝ် အပ္ဍဲအကြာ ဒၞာဲကယျိုင်ကယျဝ် ခရေတ်သမာတ် မပ္တံကဵု ကၟာင်ဆု သ္ၚေက်လၟိုန် ကေုာံ ကောန်ရုပ်ခရေတ်သမာတ်ဂမၠိုင်ရ။ ဗွဲမဂၠိုင် ညးတအ် ဍေန် ပ္ဍဲကဵု အခိင် ဂကောံသ္ၚိကၟိန်ညးတအ် မစပုင်သဝ်တ္ၚဲ ဇၟာပ်ပ်တ္ၚဲရ။
ပၞာင်ကြက္ကဒိန်ဂှ် နူအခိင်တြေံတေအ်မ္ဂး ဒှ်အသာ် ဗတာင်ကီုလေဝ် ဗွဲမဂၠိုင် အသာ်ခရေတ်သမာတ် မဒှ်အသာ်ဗကေတ်ဂှ် မၞိဟ်တအ် ဒးစိုတ်ဂၠိုင်ရ။ အခိုက် မဍေန်ပၞာင်ကြက္ကဒိန်ဏအ်ဂှ် စတမ်ကၠုင် နူ ဍုင်ဂျာမနဳ ဒှ်မာန်ရ။ ဗီုမစကတဵုဒှ်ဂှ် မိမကောန်ၚာ်တအ် နူစတ္ၚဲ ဒဳဇြေန်ပါ ၁ ဂှ် ကဵုကောန်ဇကု ပၞာင်ဍောတ်တ် ၂၃ တၞုင်၊ မွဲတ္ၚဲ ကဵုကောန်ၚာ် ဍေန်စုတ် ပၞာင်ဍောတ်တ် ပ္ဍဲကဵု ဒၞာဲကယျိုင်ပယျေဝ် ခရေတ်သမာတ်တုဲ ပၞာင်ဂှ်အိုတ်မ္ဂး စိုပ်တ္ၚဲခရေတ်သမာတ်ရ။ ပၞာင်ဂှ် အခိင်တေအ် ညးတအ် ကော်စ Christingle.[၂] အခိင်လၟုဟ်မ္ဂး အခိုက်ဏအ်ဂှ် ပြးဇးအာ အလုံမွဲရးယူရောပ်ရ။
နိဿဲ
- ↑ Christian celebration of Advent. BBC (16 November 2010). Archived from the original on 27 January 2011။ Retrieved on 27 December 2010။
- ↑ Henderson, Helene, ed. "Advent." Holidays, Symbols and Customs. Vol. 4. Detroit: Omnigraphics, 2009.
