Effects of the storage conditions on the stability of natural and synthetic cannabis in biological matrices for forensic toxicology analysis: An update from the literature
Убиство на Авел од страна на Каин — библиска старозаветна приказна од 4. поглавје од книгата Битие, кога првиот син на Адам и Ева, земјоделецот Каин, го убил својот помлад брат Авел, овчар (Бит. 4:8), бидејќи подарокот што го донел Авел, се покажал дека му е угоден на Бога, за разлика од приносот на Каин.
По некое време Каин Му принесе на Господ дар од земните плодови; и Авел исто така принесе од првината на стадото свое и од нивната маст. И Господ погледна благонаклоно на Авел и на неговите дарови;
—Бит. 4:3–4
Во Библијата
Каин и Авел во Библијата се двајца браќа, синови на Адам и Ева. Според книгата Битие, Каин бил првиот убиец во историјата, Авел бил првата жртва на убиство. Авел бил овчар, Каин бил земјоделец. Каин му донел дар на Бога од плодовите на земјата, додека Авел ги жртвувал животните од своето стадо.[1]
Бог поволно ја прифатил само жртвата на Авел. Каин бил многу вознемирен и потоа го убил Авел (Бит. 4:5–8). Каин се обидел да го скрие фактот за она што го направил пред Бога (Бит. 4:9). За убиството на Авел, Бог го проколнал Каин (Бит. 4:10–12).
Толкување
Во христијанството
Книгата Битие не укажува на причините за Божјото прифаќање на жртвата на Авел и отфрлање на жртвата на Каин, и затоа овој библиски настан има различни толкувања.
Во Посланието до Евреите, поволното прифаќање на жртвата на Авел, што било „подобро“, се објаснува со верата на Авел, со која тој „примил сведоштво дека е праведен“ (Евр. 11:4). Апостол Јован рекол дека Каин го убил својот брат затоа што неговите дела биле зли, а на Авел биле праведни (1. Јованово 3:12). Свети Ефрем Сирин (IV век) верувал дека жртвата на Каин не била направена од љубов, туку од небрежност, и затоа била отфрлена.[2] Преподобен Јован Златоуст нагласил дека жртвата на Авел е „од првите плодови на стадото“, додека Каин принел само „жртва од плодовите на земјата“ без да ги спомене првите плодови.[3]
Во христијанската традиција, Авел се смета за првиот маченик и првиот прогонет праведник.[4]
Наводи
- ↑ Битие 4 | Библија MK2006D | YouVersion.
- ↑ Преподобный Ефрем Сирин. Толкование на книгу Бытия. Архивски примерок на Семрежниот архив (англиски) // rusbible.ru.
- ↑ Иоанн Златоуст. Беседы на книгу Бытия. Беседа XVIII. Архивски примерок на Семрежниот архив (англиски)
- ↑ „Авель“. azbyka.ru. Архивирано од изворникот 2016-11-08. Посетено на 2017-03-15.
Надворешни врски
