Effects of the storage conditions on the stability of natural and synthetic cannabis in biological matrices for forensic toxicology analysis: An update from the literature
Contents
![](https://upload.wikimedia.org/wikipedia/commons/thumb/2/21/Holl%C3%B3k%C5%91_%C3%93falu_F%C5%91_utca_%28r%C3%A9szlet%29.jpg/220px-Holl%C3%B3k%C5%91_%C3%93falu_F%C5%91_utca_%28r%C3%A9szlet%29.jpg)
![](https://upload.wikimedia.org/wikipedia/commons/thumb/9/97/Habitat_sur_pilotis_au_B%C3%A9nin.jpg/220px-Habitat_sur_pilotis_au_B%C3%A9nin.jpg)
Ti maysa a purok ket ti maysa a rimpouk iti pagtaengan ti tao wenno komunidad, dakdakkel ngem iti maysa a hamlet (purok pay iti awag daytoy iti Ilokano) ngem basbassit ngem iti maysa nga ili, nga addaan iti populasion a sumakop manipud iti bassit a gasut aginggana iti bassit a ribu. Uray no masansan a mabirukan kadagiti away a lugar, ti termino nga urbano a purok ket maipakat pay kadagiti naiduma nga urbano a kaarrubaan. Kadawyan a permanente dagiti purok, nga addaan kadagiti naitalinaay a pagnaedan; nupay kasta, adda pay dagiti temporario a pagtaengan. Iti pay maipatinayon, dagiti pagnaedan iti purok ket agaassidegda, ken saanda a naiwarwaris iti nalawa a langa ti daga, a kas ti maysa a nawarwaris a pagtaengan. Iti napalabas, dagiti purok ket kadawyan a porma ti komunidad para kadagiti kagimongan nga agsansanay iti subsistensia nga agrikultura, ken kadagiti pay dadduma a saan nga agrikultura a kagimongan. Idiay Gran Britania, ti maysa a hamlet ket makagun-od iti pannakaawag a kas maysa a purok no nakabangon iti simbaan.[1] Kadagiti adu a kultura, bassit dagiti ili ken dagiti siudad, ken adda laeng dagiti bassit a paset ti populasion iti agnanaed kaniada. Ti Industrial a Rebolusion ket nakaawis iti adu a bilang ti tattao nga agtrabaho kadagiti molino ken paktoria; ti konsentrasion ti tattao ket gapuanan ti idadakkel dagiti adu a purok kadagiti ili ken siudad.
Dagiti nagibasaran
- ^ Dr Greg Stevenson, "What is a Village?" Naiyarkibo 2006-08-23 iti Wayback Machine, Exploring British Villages, BBC, 2006, naala idi 20 Oktubre 2009
Dagiti akinruar a silpo
Dagiti midia a mainaig iti Purok iti Wikimedia Commons
- [https://web.archive.org/web/20090814030136/http://www.ecotope.org/anthromes/v1/guide/villages/ Naiyarkibo 2009-08-14 iti Wayback Machine Dagiti kita ti purok
- "Village Communities". Encyclopædia Britannica (iti Ingles) (Maika-11 nga ed.). 1911.