Effects of the storage conditions on the stability of natural and synthetic cannabis in biological matrices for forensic toxicology analysis: An update from the literature
Contents
![](https://upload.wikimedia.org/wikipedia/commons/thumb/e/e9/CiNii_logo.svg/200px-CiNii_logo.svg.png)
Ti CiNii (/ˈsaɪniː/ [1]) ket serbisio ti bibliograpiko a database para iti akademiko a panagipablaak, a nangruna a mangigandat kadagiti obra iti Hapon ken dagiti Ingles nga obra a naipablaak idiay Hapon. Ti database ket napundar idi Abril 2005 ken tinartaripato babaen ti Nailian nga Instituto ti Inpormatika.[2] Ti serbisio ket agbiruk manipud iti uneg dagiti database a tinartaripato babaen ti NII [NII Electronic Library Service (NII-ELS) and Citation Database for Japanese Publications (CJP)], ken dagiti pay database a maited babaen ti Nailian a Biblioteka ti Dieta ti Hapon, dagiti pagipenpenan nga instituto, ken dagiti dadduma pay a gunglo.[3]
Ti database ket aglaon ti ad-adu ngem 15 a riwriw nga artikulo manipud kadagiti ad-adu ngem 3600 a pablaak.[4] Ti kadawyan a bulan (idi 2012) ket nakakita ti ad-adu ngem 30 a riwriw a panagserrek manipud kadagiti 2.2 a riwriw a naisangayan a bisita,[5] ken ti kadakkelan ken kakomprehensibuan a kita ti database idiay Hapon. Urayno ti database ket adu ti kita a displinario, ti kadakkelan a paset dagiti maawatna a panagusisa ket ti nagtagitaon ken ti pagobraan ti siensia sosial, mabalin daytoy a gapu ti CiNii ket is-isu ti database a mangsakop kadagiti eskolar nga obra ti Hapon iti datoy a pagobra (a kasumbangir ti natural, pormal, ken dagiti medikal a siensia ti a makaserbi manipud kadagiti sabali a database).[6]
Dagiti panangilasin ti database
Ti database ket mangikeddeng ti naisangayan a panangilasin, ti NII Article ID (NAID), para kadagiti amin a maikabkabil nga artikulo ti warnakan.[5] Ti maysa pay a panangilasin, ti NII Citation ID (NCID wenno 書誌ID) aka NACSIS-CAT Record ID, ket inus-usar kadagiti mlibro.
Dagiti wadan ti NCID
- NCID BA04004867 para iti edision ti Little, Brown idi 1951 ken ti The Catcher in the Rye
- NCID BB17611495 para iti edision ti Penguin idi 2010 ti The Catcher in the Rye
- NCID BA36680090 para iti edision idi 1952 ti Kiken na nenrei (危険な年齢), NCID BN01880084 para iti edision idi 1964 ti Rai-mugi batake de tsukamaete (ライ麦畑でつかまえて), ken ti NCID BA61718322 para iti edision idi 2003 ti Kyatchā in za rai (キャッチャー・イン・ザ・ライ), amin dagiti tallo ket patarus ti Hapon ti The Catcher in the Rye
- NCID BB13715590 for a 1997 edition of Mai tian li de shou wang zhe (麦田里的守望者), ti maysa a transliterasion ti Insik ti The Catcher in the Rye.
Maikeddeng pay dagiti panangilasin kadagiti mannurat dagiti libro, ken dagiti artikulo ti warnakan, kadagiti dua a naisina a serye (tapno ti maysa a mannurat ket mabalin nga addaan iti sabali a pateg ti panangilasin iti tunggal maysa). Kas pagarigan, ni Shinsaku Kimoto ket DA00432173 for books and 9000002393144 para kadagiti artikulo ti warnakan.
Dagiti nagibasaran
- ^ "About CiNii". CiNii (iti Ingles). Naala idi 2014-02-23.
- ^ 大向一輝 (Ohmukai, Ikki) (2009). "学術情報プラットフォームとしてのCiNii". Current Awareness (iti Hapon) (301). CA1691.
- ^ "Databases Incorporated". CiNii (iti Ingles). Naala idi 2014-02-23.
- ^ "titlelist_els.tsv". CiNii (iti Ingles). 2014-02-15. Naala idi 2014-02-23.
- ^ a b 大向一輝 (Ohmukai, Ikki) (Nobiembre 2012). "System design and data modeling of CiNii articles". The Journal of Information Science and Technology Association (iti Ingles ken Hapon). 62 (11): 473–477.
- ^ 日詰梨恵 (Hizume, Rie); 逸村裕 (Itsumura, Hiroshi) (2010). "CiNii 収録率から見たわが国の学術情報電子化の現状:人文学4領域を対象に". 中部図書館情報学会誌 (iti Hapon). 50: 19–35.