Effects of the storage conditions on the stability of natural and synthetic cannabis in biological matrices for forensic toxicology analysis: An update from the literature
Contento
Boxer |
---|
![]() |
|
Identificatores e ligamines |
Commons: Boxer (dog) |
Le boxer es un racia de can de labor, de origine german.
Le boxer face parte del familia del Dogges.
Le nomine "Boxer" es suppositemente derivate del tendentia de iste racia comenciar luctar restante levate in su patas posterior e boxante con su patas anterior.
Historia del racia
![](https://upload.wikimedia.org/wikipedia/commons/thumb/d/df/Boxerfirstshow.png/270px-Boxerfirstshow.png)
![](https://upload.wikimedia.org/wikipedia/commons/thumb/c/c6/Earlyboxers.jpg/100px-Earlyboxers.jpg)
Le racia esseva create in Germania durante le secunde medietate del seculo XIV e initio del XX. Illo es le resultato del cruciamento, in 1880, inter un Bullenbeisser german et un Bulldog anglese.
Le ancestre de iste racia era le Bullenbeisser german, un can descendente del Mastin e le Bulldog anglese.
Le Bullenbeisser esseva un can de labor usate durante seculos pro le chassa, illo esseva utilisate in le persecution de ursos, porcos salvage e cervos. Su function esseva sasir le preda et attender le arrivata del chassatores.
Annos plus tarde, canes plus rapide esseva privilegiate e le Bullenbeisser deveniva plus parve et esseva deinde nominate Brabanter.
Al final del seculo XIX, le Brabanter esseva cruciate con le Bulldog anglese e de hic comenciava le linea que donarea nascimento al Boxer moderne.
In 1894, tres Germanos Roberth, Konig e Hopner decideva stabilisar le racia et illes exhibi un can in un show.
Isto occurreva in Munich in 1895, e le anno sequente illes fundava le prime Club del Boxer.
Le racia esseva introducite in altere partes de Europa. Le American Kennel Club (AKC) recognosce le prime Boxer campion in 1915.
Durante le Prime Guerra Mundial, le boxer faceva parte del armea realisante travalios militar, actuante como un preciose can messager, portator, can de attacco e de guarda.
Il esseva sol post le Secunde Guerra Mundial que le boxer deveniva popular a in tote le mundo.
Description
![](https://upload.wikimedia.org/wikipedia/commons/thumb/b/b7/Boxer_%28dog%29.jpg/150px-Boxer_%28dog%29.jpg)
Le boxer es un can de talia median, de pilo curte suave e brillante. Illo ha un ossatura potente et illo es can ben musculate. Illo non debe parer ni pesante, ni legier.
Le boxer ha un capite voluminose con un mandibula saliente (illo es un can prognathe), su musello es nigre, su collo forte e musculose e su pectore es ample. Su pilage pote ser de color flave, tigrate et illo pote haber maculas blanc. In le standard le color blanc non debe surpassar 1/3 de copertura.
Le colores totalmente blanc esseva excludite desde 1905, le nigre in 1925 e le gris in 1938.
Il non ha habite plus de modificationes major, salvo illo que concerne le otectomia e le caudectomia, prohibite in Germania.
Le masculo mesura 60 cm e pesa 32 kg approximatemente (standard masculo 57-63cm; femina 53-59 cm in supra le scapula e 28 kg).
Temperamento
Le boxer es un can de familia, diffidente ante le estranieros. De natura coragiose, iste can se characterisa per su grande calma e su character equilibrate e franc.
Su trainamento es recommendate a etate precoce, debite a que illos sole haber un personalitate forte, illo debe haber su trainamento plus difficile quando illo es adulte.
Le boxer es un can appropriate como companion de infantes nam illo es patiente con illes equalmente illo es multe attachate a su proprietarios.
Le boxer non es considerate matur usque le etate de tres annos.
Illo es un bon can de guarda, sempre e quando illo ha un trainamento adequate.
Per natura illo non es un racia aggressive o vitiose sed illo ha necessitate de socialisation pro ben tolerar altere canes.
Alcun vices su attitude superprotective e dominante, plus intense in masculos, pote ser problematic.
Le boxer es generalmente patiente con parve canes sed illo pote monstrar se dominante con canes plus grande o del mesme sexo.
Un mal individuo o un can mal trainate es capabile de damnos seriose o mesmo occider altere animales.
Utilisation
Illo es un can fidel, intelligente e vigilante.
Debite a su corage, fortia et agilitate illo es utilisate como can policia in Germania et illo es equalmente guida de cecos et un bon guardiano.
Le boxer pote participar in concursos de agilitate.
Possibile problemas de sanitate
Le boxer es un can plus susceptibile al tumores que le major parte del racias, habente tamben un pelle sensibile.
Inter altere problemas on trova tamben le dysplasia de coxa.
Le presentia de iste maladias non es multo alte, e si de plus le canino es comprate a un elevator responsabile que forni le certificates de sanitate, le risco de haber un boxer malade es rar.