Cybersecurity and privacy risk assessment of point-of-care systems in healthcare: A use case approach
El DOS, acronim de Disk Operating System, l'è ona fameja de sistema operativ che la vegniva drovada in di computer IBM compatibil in tra el 1980 e 'l 1995. Se ghe mettom dent anca el Windows 95 e 'l Windows 98, basaa in sul MS-DOS, l'è staa doperaa per 20 agn.
Descrizzion
Ona motta de software hann drovaa in del sò nom "DOS", 'me 'l MS-DOS, el FreeDOS, el PC-DOS, e 'l DR-DOS, ma nissun l'ha mai avuu 'me nom domà "DOS".
Anca di OS per i home computer se ciamaven "DOS", per esempi l'AmigaDOS, l'AppleDOS el CommodoreDOS, l'AtariDOS e 'l ProDOS.
Struttura
I sistema DOS a hinn eseguii in di piattaform x86, anca se in di primm agn gh'è staa di DOS per di olter processor, 'me 'l Motorola 68k. El DOS l'è on sistema monoutent, monotasking e con kernel de bas, donca el pò eseguì domà on programma a la volta e avègh domà on utent.
Gh'è di software, ciamaa TSR (Terminate and Stay Resident, Eseguiss e resta lì (in memoria)) che dann di form primitiv de multitasking, ma i comand al sistema resten semper bloccaa.
El kernel del DOS el dà di fonzion per stampà in del quader, lensg i file e lensg la tastadura.
Riferiment
