Cybersecurity and privacy risk assessment of point-of-care systems in healthcare: A use case approach
Inhoud
ABBA | |
---|---|
![]() ABBA in 1974, v.l.n.r.: Benny Andersson, Frida Lyngstad, Agnetha Fältskog en Björn Ulvaeus | |
Agtergrondinligting | |
Ook bekend as | Agnetha Benny Björn Anni-Frid |
Oorsprong | Stockholm (Swede) |
Genres | Pop, Euro disco, Europop, Pop Rock |
Jare aktief | 1972–1982 |
Etikette | Polar, Polydor, Atlantic, Universal, Epic, Vogue, RCA, PolyGram, Sunshine (Zimbabwe-Rhodesië), Ariston/Dig It (Italië) |
Assosiasies | Hep Stars, Hootenanny Singers, Benny Anderssons Orkester |
Webwerf | abbasite.com |
Lede | Agnetha Fältskog Björn Ulvaeus Benny Andersson Anni-Frid "Frida" Lyngstad |
ABBA (1972–1983) was 'n Sweedse popmusiekgroep. Hulle bly tot vandag toe die suksesvolste Sweedse musiekgroep en was een van die gewildste sanggroepe in die wêreld. Die groep het die topposisies op musieklyste wêreldwyd gedurende die middel-tot-laat 1970's en vroeë 1980's gedomineer, en het treffer-enkelsnitte en -albums verkoop. ABBA se verkope word wêreldwyd op 100 tot 500 miljoen kopieë geraam (daar blyk geen betroubare bron vir hierdie inligting te wees nie), wat hulle die tweede suksesvolste musiekgroep van alle tye, na die Beatles, sou maak. Hulle was die eerste musiekgroep van die Europese vasteland wat gereelde plekke op die Britse, Amerikaanse en Australiese musieklyste beklee het, en hulle sukses het ook deure vir ander Europese musiekgroepe oopgemaak. Hulle blywende nalatenskap is die bevordering van die Sweedse musiekbedryf tot 'n hoofstroomkompeteerder.
"ABBA" is 'n akroniem gevorm uit die eerste letter van elk van die groeplede se naam. Dit word gewoonlik geskryf as "ABBA" maar word ook soms geskryf as 'n woord, Abba. Die eerste 'B' in die embleemweergawe van die naam is sedert 1976 omgekeer (ᗅᗺᗷᗅ) op die groep se reklamemateriaal en is 'n geregistreerde handelsmerk.
Geskiedenis
![](https://upload.wikimedia.org/wikipedia/commons/b/bb/Abba_28011977_15_200.jpg)
![](https://upload.wikimedia.org/wikipedia/commons/thumb/3/3f/Frida_Lyngstad_Schiphol_1976.jpg/200px-Frida_Lyngstad_Schiphol_1976.jpg)
ABBA is in 1972 gevorm met Björn Ulvaeus, Benny Andersson, Agnetha Fältskog, en Anni-Frid Lyngstad (bynaam: "Frida"). Hulle het wydbekend geword nadat hulle die Eurovision-sangfees in 1974 met hulle liedjie, "Waterloo", gewen het. Die groep het uit twee paartjies bestaan, Björn en Agnetha tesame met Benny en Frida. ABBA se lede het aan die begin van 1983 saam besluit om 'n blaaskans te vat. En hulle het tot vandag toe nog nooit weer saam 'n opname gemaak nie.
Daar is tans ander sangsterre in verskeie lande wat weer ABBA-trefferliedjies sing en optredes doen ter ere aan die goue ABBA-jare.
![](https://upload.wikimedia.org/wikipedia/commons/thumb/3/31/Benny_Andersson_ABBA.jpg/220px-Benny_Andersson_ABBA.jpg)
Albums
ABBA het agt albums tussen 1973 en 1981 opgeneem,[1] en het ook 'n paar kompilasie-albums vrygestel.
- Ring Ring (1973)
- Waterloo (1974)
- ABBA (1975)
- Arrival (1977)
- ABBA: The Album (1977)
- Voulez-Vous (1979)
- Super Trouper (1980)
- The Visitors (1981)
- Voyage (2021)
Bekende liedjies
- Waterloo (1974)
- Mamma Mia (1975)
- Fernando (1976)
- Dancing Queen (1976)
- Money Money Money (1976)
- Chiquitita (1978)
- Gimme Gimme Gimme (1979)
- The Winner Takes It All (1980)
Verwysings
- ↑ "ABBA Albums, Discography". billboard.com (in Engels). 2012. Geargiveer vanaf die oorspronklike op 11 September 2011. Besoek op 15 Maart 2012.
Eksterne skakels
- (en) Amptelike webwerf
- (en) The Hep Stars International Official website – Benny Andersson
Wikimedia Commons het meer media in die kategorie ABBA.