Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
亞里士多德(希臘文:Ἀριστοτέλης,前384年—前322年),古希臘哲學家,柏拉圖學生,做先生教亞歷山大大帝。開創理則學、形上學,研究包括物理、政治、倫理、生物,佢學派同著作,集當時知識大成。
譯名除咗亞里士多德,亦有其他叫法。大明時李之藻本名理探,繙做亞利[1]。另艾儒畧繙為亞多斯多。又有慕維廉亞里斯度得。顏興惠繙做亞里司多德[2]。又有亞里斯多德[3]。
亞里士多德,雖則佢做柏拉圖學生,之不過兩人睇法並唔同,甚至南轅北轍。拍拉圖中意數學,而亞里士多德就好自然同生物。喜好唔同,佢哋哲學就好唔同。拍拉圖重視形而上學多啲,亞里士多德就科學多啲。拍拉圖認物體代表住觀念,世界應該全真,完全反映自然,文藝呢啲同物體無關都好假,唔應該有。而亞里士多德就認為觀念本身,來自解讀自然物件,文藝呢啲令到世界加完美[4]。
而家對佢生活知得好少。亞里士多德生於希臘北部斯塔基拉市。佢亞爸尼科馬修斯,響佢好細嗰陣就死咗。佢十七定十八歲加入雅典柏拉圖學院,響嗰度留到三十七歲[5]。柏拉圖死咗無耐,佢就離開雅典,應馬其頓腓力二世要求,去亞歷山大大帝度教書[6]。佢立咗個圖書館,令佢可以用紙卷做咗幾百本書。佢出版發表咗好多優雅論文同對話,之不過佢原有作品中,得三分之一左右幸存[7]。
佢物理學睇法,極度影響中世紀學術研究。佢影響力由上古晚期到中世紀早期,一直延到去文藝復興時期,直到啟蒙運動先畀其他理論取代。例如經典力學咁。直到十九世紀,大部人都唔信佢響生物學一啲發現。好似動物學咁,章魚生殖器實情生響條鬚度。佢啲作品,包含咗最早已知形式邏輯研究。佢影響邏輯學,持續到十九世紀。
中世紀猶太伊斯蘭哲學(800-1400),同埋基督教神學,都受佢影響。尤其早期教會新柏拉圖主義,同埋天主教學術傳統。中世紀穆斯林學者,尊稱佢「第一個先生」。而響中世紀基督徒裏面,好似托馬斯亞奎那斯,就尊稱佢為「哲學家」。佢套倫理學亦好有影響力。
{{cite web}}
: CS1 maint: url-status (link)