Knowledge Base Wiki

2019年係平年，元旦係禮拜二。

• 中國
  • 中華民國：民國一百零八年
• 朝鮮半島
  • 北朝鮮：主體一百零八年
  • 南韓：檀紀4352年
• 日本
  • 平成卅一年
  • 令和元年
  • 皇紀：2679年

• 1月2號：中國共產黨中央委員會總書記、中華人民共和國主席、中央軍事委員會主席習近平針對臺灣問題喺北京人民大會堂發表習五條（中文：习五条）。
• 1月3號：嫦娥四號喺月亮背面實現咗首次軟著陸。
• 1月6號：馬來西亞最高元首蘇丹穆罕默德五世（馬來話：Sultan Muhammad V）宣佈辭去最高元首一職，即日生效，係馬來西亞史上頭一位提前退位嘅最高元首。
• 1月7號：日本開始徵收「國際觀光旅客稅」（離境稅），每名年滿2歲而逗留該國超過24個鐘頭嘅人（包括本國國民）每次出境要畀1,000日圓。
• 1月25號：臺灣民國黨併入國會政黨聯盟。
• 1月27號：臺灣臺北市第二選區、臺中市第五選區立法委員補選。
• 2月1號：美國國務卿蓬佩奧宣佈美國暫停履行《美利堅合眾國同蘇維埃社會主義共和國聯盟關於銷毀中程同中短程導彈嘅條約》（簡稱《中程導彈條約》）義務。
• 2月8號：臺灣中華航空喺新春期間爆發工潮，700名機師突然發動罷工。
• 2月18號：中華人民共和國國務院發佈《粵港澳大灣區發展規劃綱要》。
• 2月23號：2019年尼日利亞大選（英文：2019 Nigerian general election），選出新一屆總統同埋國會參眾兩院嘅議員。大選原定16號投票，但係因為準備唔夠，臨急押後至呢日舉行。
• 2月24號：2019年塞內加爾總統選舉（法文：Élection présidentielle sénégalaise de 2019）。
• 2月24號：2019年摩爾多瓦國會選舉（羅馬尼亞文：Alegeri parlamentare în Republica Moldova, 2019）。
• 2月24號：古巴就新憲法草案舉行公民投票（西班牙文：Referéndum constitucional de Cuba de 2019）。新憲法草案有229條條文，包括認可私有財產同埋外國投資等等。草案亦規定國務委員會主席每屆任期5年，最多連任1次，並重新設立總理職務。
• 2月27號至2月28號：2019年2月侵金會談喺越南河內舉行。
• 3月10號：2019年北韓最高人民會議選舉（韓文：제14기 최고인민회의 대의원 선거）。
• 3月10號：埃塞俄比亞航空一客機由阿迪斯阿貝巴飛去肯雅首都奈羅比期間失事（英文：Ethiopian Airlines Flight 302），機上157人死晒，其中19名搭客係聯合國職員，1名係香港居民。爾次係波音737MAX（英文：Boeing 737 MAX）型號客機面世以來第二單致命空難，同上一單獅子航空610號班機失事（印尼文：Lion Air Penerbangan 610）事隔只係一百卅幾日，嗰單死咗重多嘅189人。
• 3月15號：有鎗手衝入紐西蘭基督城兩間清真寺亂鎗掃射（英文：Christchurch mosque shootings），造成最少49死。
• 3月16號：臺灣臺南市第二選區、彰化縣第一選區、金門縣選區、新北市第三選區立法委員補選。
• 3月21號：中華人民共和國江蘇鹽城響水天嘉宜公司發生爆炸（中文：2019年江苏响水天嘉宜化工厂爆炸事故），最少78死。
• 3月22號：棗陽車輛衝撞攻擊（英文：Zaoyang car attack）。
• 3月22號：臺灣高雄市長韓國瑜訪問香港，同行政長官林鄭月娥、企業家黃志祥同香港中聯辦主任王志民（中文：王志民 (1957年)）等人先後見面，其中同王志民見面重成爲咗首名臺灣地方市長進入香港中聯辦。之後重會訪問澳門、深圳同廈門。
• 3月22號：流亡緊嘅前泰國總理丘達新細女嫁人，新郎哥係一名飛機師。婚宴喺香港尖沙嘴一間新開張嘅酒店搞，出席嘅賓客包括泰王家姐烏汶叻，新娘子姑姐、另一位流亡緊嘅前泰國總理丘英樂等成千人。
• 3月24號：第26屆泰國眾議院選舉。
• 3月30號：中華人民共和國四川涼山發生山火（中文：2019年木里森林火灾），由於風向突變發生閃燃，最少卅名消防員殉職。
• 3月：中國內地嘅2019年兩會。
• 3月：哈薩克首都由阿斯塔納改名做努爾蘇丹。
• 4月2號：中華人民共和國南沙大橋（中文：南沙大桥）通車。條橋連接東莞市沙田鎮同廣州市南沙區，規劃時嗌「虎門二橋」。
• 4月9號：第21屆以色列議會選舉。
• 4月10號：科學家發佈首張影到嘅黑洞相。
• 4月11號：中華人民共和國深圳夜晚落大雨同冰雹引發洪水，最少7死4失蹤。
• 4月11號：蘇丹總統巴希爾畀軍方拘捕同解除職務（阿拉伯文：انقلاب 2019 في السودان），軍方宣佈國家進入三個月緊急狀態，由軍事委員會暫時領導國家，預計過渡期為兩年。
• 4月11號：維基解密創辦人阿桑奇畀厄瓜多爾撤回庇護同公民身份，畀英國警方喺厄瓜多爾駐倫敦大使館拉咗。
• 4月15號：名列聯合國世界遺產嘅巴黎聖母院發生火燭，尖塔被燒毀。
• 4月17號：2019年印尼大選（印尼文：Pemilihan umum Indonesia 2019），包括總統選舉（印尼文：Pemilihan umum Presiden Indonesia 2019）同立法機構選舉（印尼文：Pemilihan umum legislatif Indonesia 2019）。
• 4月17號：被指喺總統任期內受賄嘅秘魯前總統阿蘭加西亞喺臨俾差人拉之前開槍自殺。
• 4月21號：斯里蘭卡喺復活節發生針對基督徒嘅一連串自殺式炸彈襲擊，最少253死500幾傷。伊拉克和黎凡特伊斯蘭國其後承認責任，有指襲擊係要報復個幾月前嘅基督城清真寺鎗擊事件（英文：Christchurch mosque shootings）。
• 4月21號：第7屆烏克蘭總統選舉次輪投票，由喜劇演員禾羅迪美·澤連斯基擊敗爭取連任嘅波羅申科當選。
• 4月23號：慶祝中國人民解放軍海軍成立70週年嘅海上閱兵活動喺青島舉行，中共中央總書記、國家主席、中央軍委主席習近平出席。今次閱兵有來自13國嘅18艘軍艦參加，而中國就派出包括遼寧號航空母艦、南昌號導彈驅逐艦、長征10號094型戰略導彈核潛艇在內嘅32艘軍艦同39架戰機參加。
• 4月24號：北韓最高領導人金正恩坐專列到俄羅斯海參崴，準備第二日同俄羅斯總統普京會面。
• 4月28號：第70屆西班牙國會選舉（西班牙文：Elecciones generales de España de 2019）。
• 4月30號：2019年日本皇室更替，日本明仁天皇退位。
• 5月1號：日本德仁天皇即位。
• 5月18號：2019年澳洲聯邦國會選舉。
• 5月18號：2019年歐洲歌唱大賽決賽，冠亞季軍分別由荷蘭、意大利同俄羅斯代表攞到。
• 5月20號：2019年SI基礎單位重新定義生效，千克改用普朗克常數、光速、同銫133原子輻射周期嚟定義，令千克嘅定義唔再取決於人造實物。
• 5月21號：第7屆印尼總統選舉（印尼文：Pemilihan umum Presiden Indonesia 2019）經歷個幾月嘅點票之後公佈正式結果，由佐戈維多多連任總統。幾千人晏晝起喺耶加達集會支持敗選嘅退役將軍普拉博沃（印尼文：Prabowo Subianto），入夜後開始演變成持續兩日嘅騷亂（印尼文：Demonstrasi dan kerusuhan Mei 2019 di Jakarta）。
• 5月23號至5月26號：2019年歐洲議會選舉。
• 6月9號：2019年摩爾多瓦憲政危機（中文：2019年摩爾多瓦憲政危機），摩爾多瓦最高憲法法院頒令暫停總統多東職務，委任前總理巴維·菲臘（羅馬尼亞文：Pavel Filip）為代理總統。菲臘即刻宣佈解散國會，提前大選。
• 6月12號：厄瓜多爾憲法法院法官以五票贊成、四票反對，裁定同性婚姻係合法，嗰年7月8號正式生效。
• 6月13號：伊朗對開嘅阿曼灣水域有兩艘運油輪報稱遇襲後起火，44名船員全部獲救，1傷。美國總統當勞侵指稱伊朗係幕後黑手，伊朗否認指控。
• 6月14號：瑞士各地婦女發起女性平權嘅大型罷工示威，要求男女同工同酬。
• 6月16號：印度對28種美國貨徵收額外關稅，以回應美方月初決定唔再畀印度普及特惠稅制度待遇。有關貨品包括杏仁、核桃、豆類同鐵板軋製產品等，稅率最高加到120%。
• 6月24號：德國空軍兩架「颱風」戰機喺美倫堡－前波瑪恩上空相撞，有一個機師死咗，另一個生還。
• 6月25號：三藩市議會通過法令，唔畀造又唔畀賣電子煙，創美國主要大城市先例。而同日伊利諾州就通過休閒大麻合法化。
• 6月28號至6月29號：2019年二十國集團大阪峰會。
• 6月28號：意大利熱那亞莫蘭迪大橋（意大利文：Ponte Morandi）剩低嘅主體結構以爆破方式拆除。條橋喺2018年8月14號冧咗，做成43死。
• 6月30號：日本正式退出國際捕鯨委員會（英文：International Whaling Commission），7月1號重啟商業捕鯨。
• 6月30號：2019年6月侵金會談喺板門店南韓嗰邊舉行，會前美國總統當勞侵喺北韓領袖金正恩邀請下，歷史性跨越三八軍事分界線，成為首位踏足北韓領土嘅時任美國總統。
• 7月1號：紐西蘭開始徵收「遊客稅」，除咗澳洲同16個太平洋島國嘅遊客，每名逗留該國唔超過12個月嘅遊客要畀35紐西蘭元。
• 7月3號：李彥宏俾人淋水事件。
• 7月5號：美國加利福尼亞州南部里奇克萊斯特發生地震，計埋早一日嘅前震最少1死25傷。
• 7月21號：第9屆烏克蘭國會選舉。
• 7月24號：鮑里斯·約翰遜接替文翠珊做英國首相。佢早一日當選爲執政保守黨黨魁。
• 7月29號：「在台港生及畢業生逃犯條例關注組」改爲香港邊城青年（中文：香港邊城青年）。
• 8月7號：喺中美貿易戰戰況持續升級、全球經濟前景黯淡嘅背景下，喺一日之內紐西蘭、印度、泰國三國嘅中央銀行先後宣佈減息，其中印度已經係嗰年第四次減息。
• 8月8號：臺灣宜蘭外海發生地震（中文：2019年宜蘭地震），最少1死。
• 9月1號：中美貿易戰，中美互徵新一輪關稅。
• 9月13號：義守大學襲擊事件（中文：義守大學襲擊事件）。
• 10月1號：慶祝中華人民共和國成立70周年大會（中文：庆祝中华人民共和国成立70周年大会）同慶祝中華人民共和國成立70周年聯歡活動（中文：庆祝中华人民共和国成立70周年联欢活动）喺北京天安門廣場舉行。
• 10月1號：臺灣宜蘭縣蘇澳鎮發生南方澳大橋斷裂事故（中文：南方澳大橋斷裂事故），6死12傷，2478戶停電。
• 10月6號：智利聖地亞哥地鐵（西班牙文：Metro de Santiago）以能源價格上升等理由加價，繁忙時段票價加到830智利披索（約莫1.17美元），觸發聖地亞哥大規模暴力示威。
• 10月14號：西班牙最高法院（西班牙文：Tribunal Supremo (España)）以煽動叛亂同濫用公款罪判9名加泰隆尼亞獨派領袖9年至13年有期徒刑。
• 10月15號（美國東部時間）：美國眾議院以口頭表決方式通過《香港人權與民主法案》，提交至美國參議院審議。
• 10月16號：菲律賓棉蘭老島發生黎克特制6.3級地震（英文：2019 Cotabato earthquakes），7死215傷。
• 10月18號：中共前總書記趙紫陽嘅骨灰正式落葬到北京昌平區民間公墓天壽園，同夫人梁伯琪合葬。
• 10月18號：智利首都聖地亞哥因爲地下鐵加價觸發嘅示威升級同轉趨暴力。示威者破壞全市164個地下鐵站，成個地鐵網絡被逼關閉，蒙面示威者又用棍同石頭攻擊防暴警員，又放火燒咗16架巴士、電力公司總部大樓同銀行分行。
• 10月20號：2019年玻利維亞大選（西班牙文：Elecciones generales de Bolivia de 2019），由艾禾莫拉利斯連任總統。但係選舉被指舞弊，艾禾莫拉利斯無耐辭職流亡國外。
• 10月21號：泰王哇集拉隆功發放長達2頁嘅王家法令，褫奪7月受封爲王妃、34歲嘅詩妮娜（泰文：สินีนาฏ วงศ์วชิราภักดิ์）嘅王妃頭銜同所有軍銜。
• 10月21號：2019年加拿大聯邦大選，執政自由黨議席大減20席。華裔參選同當選人數都打破紀錄。
• 10月22號：日本天皇德仁嘅正式登基大典「即位禮正殿之儀（日文：即位礼正殿の儀）」喺東京舉行，全球超過2,000名政要同王室成員出席。
• 10月23號：英國警方喺雅息士郡一部冷凍貨櫃車處發現31男8女一共39具越南偷渡者嘅屍體。（en:Essex lorry deaths）
• 10月26號：伊拉克和黎凡特伊斯蘭國阿頭歐巴夏達迪喺敘利亞西北部畀美軍圍捕時，引爆身上炸彈自殺，佢兩名唔夠12歲嘅仔女都喪生。（en:Barisha raid）
• 10月27號：比利時國王菲臘正式任命44歲嘅預算部長維爾梅斯（法文：Sophie Wilmès）爲新嘅看守首相，接替歐洲理事會候任主席夏爾·米歇爾（法文：Charles Michel）。維爾梅斯成爲比利時歷來首位女首相。
• 10月28號：中華人民共和國甘肅甘南發生地震（中文：2019年夏河地震），21傷。
• 10月29號：菲律賓棉蘭老島繼16號嘅地震再發生一次黎克特制6.6級地震（英文：2019 Cotabato earthquakes），最少9死100傷。
• 10月29號：黎巴嫩反政府示威持續近兩星期，總理薩德·哈里里（阿拉伯文：سعد الدين الحريري）宣佈辭職。
• 10月30號：智利局勢動盪，總統皮涅拉宣佈取消原定11月中喺該國舉行嘅亞太經濟合作組織峰會，同埋原定12月喺該國舉行嘅聯合國氣候變化大會。
• 10月31號：日本沖繩縣那霸市嘅世界文化遺產首里城（日文：首里城）火燭，正殿同南北兩殿等6棟建築物燒嗮。
• 10月31號：巴基斯坦一列由卡拉奇去拉華爾品第嘅載客火車懷疑有搭客違規喺車上面煮嘢食去到頻渣別省發生爆炸，最少74死。
• 11月1號：馬里東北部接近尼日爾邊境一個軍事哨站遇襲，54死，軍車等物資被毀同被劫走。伊拉克和黎凡特伊斯蘭國承認責任。（en:2019 Indelimane attack）
• 11月4號：法國總統馬克龍國事訪問中華人民共和國三日，將會出席國際進口博覽會開幕儀式。
• 11月4號：英國下議院七名議員角逐議長，接替上一個星期離任嘅柏爾勤（英文：John Bercow）。經過四輪投票，由62歲原副議長、在野工黨嘅賀立紳（英文：Lindsay Hoyle）當選。不過‎2019年英國下議院選舉下月12號舉行，國會按規定喺6號解散，變相新議長任期只得一日。
• 11月8號：涉及走私毒品而喺廣州白雲國際機場畀拉嘅日本愛知縣稻澤市前議員櫻木琢磨喺扣留5年後畀廣州中級人民法院判咗終身監禁。案件有多達20次押後裁決，日本共同社話情況罕見。
• 11月10號：玻利維亞總統艾禾莫拉利斯被逼辭職，流亡墨西哥。
• 11月11號：高庭宣判前馬來西亞首相納吉阿都拉薩涉及SRC國際公司3項刑事甩底、1項濫權同3項洗黑錢案，所有控狀罪表證成立，納吉需要出庭自辯，係馬來西亞獨立以嚟，第一位出庭自辯嘅前首相。
• 11月14號：臺灣政黨歡樂無法黨成立。
• 11月20號：安倍晉三在任日本首相第2,887日，超過戰前首相桂太郎成為歷代在位最長時間嘅首相，時隔106年刷新紀錄。
• 12月9號：紐西蘭懷特島火山爆發，21死（包括兩個假設罹難嘅失蹤人士），26傷。
• 12月10號：澳門輕軌朝早舉行開通儀式後，氹仔綫喺下晝開通營運。
• 12月12號：2019年英國下議院選舉，保守黨贏到過半嘅365個議席，係繼1987年大選後新高；工黨就贏得203席，係繼1935年大選後新低。

• 5月6號：Prince Archie of Sussex（英文：Prince Archie of Sussex），英國王室，哈里王子同夫人美謹嘅大仔

• 2019年運動