Knowledge Base Wiki

Search for LIMS content across all our Wiki Knowledge Bases.

Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.

馮檢基
出生日1953年3月17號 喺Wikidata改呢個 （71歲）
出生地香港 喺Wikidata改呢個
國籍中華人民共和國 喺Wikidata改呢個
母校筲箕灣官立中學、香港大學、University of Bradford 喺Wikidata改呢個
職業政治人、社會工作者、太平紳士 喺Wikidata改呢個
政黨香港民主民生協進會 喺Wikidata改呢個

馮檢基，SBS，JP（Frederick FUNG Kin-kee；1953年3月17號—），花名「基哥」，係香港政黨香港民主民生協進會（簡稱「民協」）前任主席（1989年至2007年），香港立法會前任議員，香港區議會前任議員（1999年至2015年）。

佢本來係泛民主派主要人物之一，但2018年之後逐漸向親中派靠攏，而家一般人會將佢視為中間派。

屋企

馮檢基祖籍廣東東莞，而佢就喺香港出世。

馮檢基老婆叫陳敏慈，家吓做緊香港公開大學嘅學生事務長[1]。兩人育有一個仔女。

從政生涯

馮檢基係1983年起獲選做深水埗區議員，1991年成為立法局議員。除咗1998年直選落選外，多年來一直成功循直選進入立法會（局）。

2018年3月立法會九龍西補選

為咗2018年3月立法會九龍西嘅補選，民主派唔同組織已經喺前一年有部署，其中民協喺2017年6月決定人選嘅時候，通過咗由馮檢基代表民協。但當時就有啲民協成員唔同意呢個決定，其中莫嘉嫻就話，社會整個大氣氛都唔係要舊人，而係希望有新人新氣象。但民協做嘅嘢，同香港市民嘅期望背道而馳，所以佢決定退出民協[2]。

馮檢基之後代表民協參與民主派就呢次補選喺2018年1月進行嘅初選，另外兩名參選人係姚松炎同埋袁海文。姚松炎以大比數勝出初選[3]，但由於姚松炎面對再次被香港政府剝奪資格嘅風險，民主派好早亦有研究Plan B（後備人選），當時就訂咗可以再到時討論[4]。之後，喺姚松炎遲遲未被確定入閘嗰陣，馮檢基希望成為後備人選但就被部分民主派人士質疑勝算，例如鄭宇碩就曾經向馮檢基分析形勢，話假如最後馮檢基代表民主派，佢會支持，但馮檢基就要面對好多人嘅責罵，仲有本土派同自決派嘅挑戰，希望馮檢基顧全大局[4][5]。

馮檢基最後放棄做Plan B，而姚松炎最終成功入閘，最終輸咗畀親中派支持嘅鄭泳舜。喺民主派敗選之後，佢曾經多番公開炮轟民主動力，又批評姚松炎分化支持者[6][7]。

退出民協

2018年7月，馮檢基開記者招待會，喺民協成員陪同下宣布退出民協，同埋會另組新壓力團體，仲話同特首林鄭月娥拗手瓜。[8]

2018年11月立法會九龍西補選

喺呢次九龍西補選選舉入面，馮檢基一直希望代表民主派參選。不過，由於呢次選舉係填補劉小麗被政府剝奪資格後嘅議席空缺，所以民主派本來一直打算由劉小麗出戰。當時民主派亦衡量過劉小麗再次被剝奪資格嘅風險，於是由劉小麗決定咗由黨友，同屬工黨嘅李卓人做Plan B（後備人選）[3]。而劉小麗最終亦的確被政府禁止參選，民主派改由李卓人出戰。未被民主派推薦嘅馮檢基，喺2018年10月2號正式參選，同李卓人直接競爭。馮檢基又聲稱，民主派欺凌佢[9][10]。

呢次選舉，支持佢嘅民主派人士唔多，但馮檢基就得到親中派反佔中嘅代表人物之一周念慈嘅支持[11]。不過馮檢基最終落選，只係攞到12,509票，大比數輸畀陳凱欣。陳凱欣攞到 106,457票[12]。

政治立場

由從政初期去到2018年，馮檢基一般都被視作泛民主派人士。但喺佢參加民主派就2018年3月立法會補選進行嘅初選落敗之後，立場就開始有所變化，喺同年11月另一場立法會補選入面甚至同民主派直接競爭。另外，佢喺2019年香港區議會選舉亦同民主派嘅代表陳嘉朗喺尖沙咀西選區撞區，佢當時自稱無政黨民主派，又話希望同陳嘉朗協調但安排唔到。馮檢基喺交提名嗰陣，亦無泛民同佢站台。最終馮檢基只係攞到154票（7%選票）落敗，陳嘉朗就贏咗選舉[13][14]。

而喺2021年，北京未經香港人同意進行所謂嘅「完善香港選舉制度決定草案」，民主大倒退之後，直選議席比例創新低而且入閘仲要經過多種政治審查，民主派大多認為唔應該再參加嘅時候，馮檢基就同民主派唱反調，話民主派喺新制下「仍然有得玩」[15]。呢個說法被唔少人批評，例如喺2019年區選擊敗佢嘅陳嘉朗，就形容佢係「154先生」[16]。

另外，馮檢基脫離民主派之後，亦對美國持不友善態度。例如，喺2021年1月，佢就曾經接受《大公報》訪問，揶揄美國大選係對民主嘅恥笑[17]。佢亦喺2021年5月喺媒體灼見名家嗰度，聲稱呢個方案係由於美國插手香港政治太深，所以中央非出手不可[18]。

2021年第7屆香港立法會選舉，佢參選九龍西選區直選，得到王䓪鳴、簡松年等親中陣營人士提名，結果以15961票落選。

個人榮譽

睇埋

攷

  1. ↑ 香港公開大學 - 大學要員
  2. ↑ 〈對馮檢基參選感失望 莫嘉嫻退出民協 將來或入民主黨 | 立場報道 | 立場新聞〉。《立場新聞 Stand News》 (英文)。原著喺2021-05-07歸檔。喺2021-05-07搵到。
  3. ↑ 3.0 3.1 莊恭南 (2018-07-11)。〈消息：民協明午公布馮檢基去向 料馮退黨〉。《香港01》 (香港中文)。喺2021-05-07搵到。
  4. ↑ 4.0 4.1 陳小瑜潘希橋 (2018-03-16)。〈【立法會補選】馮檢基親述初選「Plan B」內幕：我要怪民主動力！〉。《香港01》 (香港中文)。喺2021-05-07搵到。
  5. ↑ 〈【政情】馮檢基做後備 勝算惹質疑〉。《Now 新聞》 (香港中文)。喺2021-05-07搵到。
  6. ↑ 〈馮檢基：姚松炎敗選因初選分化支持者〉。《Now 新聞》 (香港中文)。喺2021-05-07搵到。
  7. ↑ 陳小瑜潘希橋 (2018-03-16)。〈【立法會補選】馮檢基親述初選「Plan B」內幕：我要怪民主動力！〉。《香港01》 (香港中文)。喺2021-05-07搵到。
  8. ↑ 〈【馮檢基退黨】一文睇清與民協32年關係起跌　政治恩怨難說清〉。香港01。2018-07-13。喺2019-06-05搵到。
  9. ↑ 劉小麗馮檢基報名參加九西補選　陳凱欣宣布參選。 香港電台網站 2018-10-02
  10. ↑ 〈【九西補選】馮檢基指被「技安」欺凌 稱當年區選「被欽點」時未有初選機制 (23:18) - 20181118 - 港聞〉。《明報新聞網 - 即時新聞 instant news》 (繁體中文)。喺2021-05-07搵到。
  11. ↑ 121625551334730。〈【立會補選】馮檢基集氣會 反佔中「光頭周」撐場：義不容辭幫佢｜壹週刊〉。《壹週刊》 (香港中文)。原著喺2021-05-09歸檔。喺2021-05-07搵到。{{cite web}}: CS1 maint: numeric names: 作者名單 (link)
  12. ↑ 〈【九西補選】18選區泛民由贏變輸　陳凱欣完勝李卓人馮檢基近千票〉。hk01.com。2018-11-26。喺2019-12-23搵到。
  13. ↑ 〈【Emily】馮檢基三連敗 黃成智按金沒收 - 20191126 - 港聞〉。《明報新聞網 - 每日明報 daily news》 (繁體中文)。喺2021-01-03搵到。
  14. ↑ 〈【重奪區議會｜油尖旺】馮檢基反悔復出 尖沙嘴西五人混戰｜壹週刊〉。《壹週刊》 (香港中文)。原著喺2021年2月12號歸檔。喺2021年1月3號搵到。
  15. ↑ 〈【選舉改革】馮檢基《星島》專訪籲無需自斷參政路 民主派選舉新制下「仍然有得玩」｜852郵報〉。《852郵報》 (香港中文)。2021-05-03。原著喺2021-05-04歸檔。喺2021-05-04搵到。
  16. ↑ 852郵報。〈馮檢基係咪又會再參選呢？〉。{{cite web}}: CS1 maint: url-status (link)
  17. ↑ 〈冯检基：美大选是对民主的耻笑 _大公网〉。www.takungpao.com。喺2021-05-07搵到。
  18. ↑ 《馮檢基：美國插手香港政治太深 中央非出手不可 為民生、為民主必須參選《灼見政治》（2021-05-05）》 (英文)，喺2021-05-07搵到
  19. ↑ 〈2004年第13號號外公告　太平紳士條例 (第510章)〉 (PDF) (新聞稿) (繁體中文)。香港政府憲報。2004年7月1號。
  20. ↑ 〈二〇〇六年授勳名單〉 (新聞稿) (繁體中文)。香港政府新聞公報。2006年7月1號。

出面網頁

Template:香港特別行政區第二屆立法會議員

source: https://zh-yue.wikipedia.org/wiki/%E9%A6%AE%E6%AA%A2%E5%9F%BA