Knowledge Base Wiki

Lu significatu dû tèrmini mùsica è assai dibbattutu tra li studiusi. Li cchiù cumuni difinizzioni sunnu:

• Mùsica comu sonu - Facirmenti la cchiù cumuni difinizzioni di mùsica è chidda di "arti dû sonu urganizzatu", o, cchiù riccamenti, di "arti di prudùciri significati e sinzazzioni cchiù o menu cumplessi - e dunca di natura vuluntaria - urganizzannu soni e silenziu".

• Mùsica comu spirienza suggittiva - N'àutra dî difinizzioni cumuni di mùsica voli diri ca la mùsica havi a èssiri "gustusa" o "milòdica". Stu puntu di vista renni cuntu dû fattu ca arcuni tipi di "sonu urganizzatu" nun cumprènninu mùsica.

• Mùsica comu na catigurìa dâ canuscenza pi menzu dî senzi - La difinizzioni cugnitiva, menu cumuni, afferma ca la mùsica nun è simpricimenti sonu, o la pircizzioni d'iddu, ma na rapprisintazzioni nterna ca pircizzioni, azzioni e mimoria cuntribbuìscinu a criari.

• Mùsica comu apprufunnimentu stòricu e antropològgicu - Lu passaggiu e l'evuluzzioni dû cuncettu musicali cùrrinu di pari passu cû passaggiu di l'omu nnâ storia.

• Mùsica comu custruttu suciali - Li tiurìi post-muterni affèrmanu ca, comu l'arti, la mùsica è difinuta prima di tuttu nnû sò cuntestu suciali. Di stu puntu di vista la mùsica è chiddu ca ognidunu chiama mùsica.

A càusa dâ larga gamma di difinizzioni, lu studiu dâ mùsica abbeni nta na granni varitati di formi e mètudi: lu studiu dû sonu e dî vibbrazzioni (dittu acùstica), lu studiu dâ tiurìa dâ mùsica, lu studiu pràticu, la musicoluggìa, l'etnomusicoluggìa o lu studiu dâ storia dâ mùsica.

Artìculu dâ seria Mùsica

ARTÌCULI E LISTI

Storia di la mùsica Tiurìa | Gènira | Strummenta Cumpusitura Dirittura | Òpiri / Album / Gruppi

CATIGURÌI

Mùsica | Gruppi Cantanti

Lista di album di varî artisti:

• Gèniri musicali
• Mota di BACH
• Lista di strumenta a cordi pizzicati
• Lista di strumenta a ciatu