Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
Jürgen „Grabi“ Grabowski (* 7. Juli 1944 in Wiesbaden; † 10. März 2022 ok dor) weer en düütsch Footballspeler, de tüschen 1965 un 1980 för Eintracht Frankfurt in de Bundsliga speel. För de Düütsch Footballnatschonalmannschap hett he 44 Länderspelen maakt un wurr 1974 Football-Weltmeester.
Mit 8 Johren is Grabowski in sien Heimatvereen SV Biebrich 1919 intreden. Mit 16 Johr is he to den Nahbervereen FV Biebrich 1902 wesselt, wiel de vörherig Vereen kien Mannschap mehr stellen kunn. Mit de Biebricher A-Jöögd gelungen hüm eerste Erfolge, ünner anner den Viez-Hessenmeesterschap. Dormals kunnen Mannschapen as Darmstadt 98, Eintracht Frankfurt un Kickers Offenbach besiegt wurrn. Eerst in't Finale verlor sien Mannschap gegen Hessen Kassel.
1965 is Grabowski in de Bundsliga to Eintracht Frankfurt wesselt. Mit de Eintracht wurr he 1974 un 1975 Düütsch Pokalsieger un 1980 hebbt se den UEFA-Pokal reckt.
1980 muss Grabowski sien Loopbahn as aktiv Footballer afsluuten, wiel hüm de dormals noch jung Lothar Matthäus dör en Grätsche swoor besehrt harr. För de Eintracht hett he 441 Bundsligaspelen maakt un dorbi 109 Doren schaaten. Dorto keem he to 45 Insatzen in' DFB-Pokal mit 19 Doren, to 40 Europapokalinsatzen mit 9 Doren un to 6 Insatzen in de Intertotorunde mit 3 Doren.
In de Saison 1983/84 weer he tosommen mit Klaus Mank för en körten Tiet Interimstrainer vun Eintracht Frankfurt. Ok in de Saison 1977/78 weer he för wenig Daag Interimstrainer. Grabowski is Ehrenspeelführer vun de Eintracht.
För de Düütsch Footballnatschonalmannschap hett Grabowski 44 Länderspelen maakt un dorbi 5 Doren schaaten. He hett dormit an dree Football-Weltmeesterschapen un een Europameesterschap deelnommen. 1965 hett he sien eerst Länderspeel maakt. Bi de Weltmeesterschap 1966 wurr he woll Viezweltmeester, keem dorbi aber nich to'n Insatz. Allerdings wurr de WM dormals noch ahn Utwesseln dörführt. Dornah geev dat eerst mal en Ünnerbeeken in sien Loopbahn, eerst bi de Vörbereitensspelen to de Football-Weltmeesterschap keem he weer in den Kader vun de Natschonalmannschap torüch. Bi de WM 1970 harr he denn sien Dörbröök. De düütsch Mannschap belegg bi dit Turnier den darten Platz un Grabowski kreeg den Roop as de "best Utwesselspeler vun de Welt". He wurr in meest jedes Speel inwesselt, funn sück meestens gau in dat Speel un kunn so entscheeden Impulse geven. Bi dat all meest verloren glöövt Veertelfinalspeel gegen England weer he wesentlich för den Umswung up de Siegerstraat verantwoortlich. Bi dat so nömmt Johrhunnertspeel gegen Italien speel he vun Anfang an un weer en vun de Besten. He hett ok de Flanke slahn, de Karl-Heinz Schnellinger to sien berühmt Utglieksdoor in de letzt Sekunn verwerten kunn.
Dornah hörr Grabowski to de Stammspeler vun de Düütsch Footballnatschonalmannschap, speel in all Qualifikatschoonsspelen för de nächste Europameesterschap, un weer sluutend ok Bestanddeel vun de Mannschap, de in dat Veertelfinalhenspeel an' 29. April 1971 in' Wembleystadion mit överragend Football 3:1 gegen England wunn, un ganz faken as de best düütsch Natschonalmannschap vun all Tieden betekent wurr. För dat Rückspeel full he aber wegen Verletzung ut. As he weer fit weer, hörr he woll to den 18köppigen Kader för de Europameisterschap 1972 in Belgien, full aber weer in de Rull vun en Edel-Reservisten torüch. So kunn he in dat Halffinale gegen Belgien övertüügen, keem aber in't Endspeel nich to'n Insatz. He wunn denn aber doch mit de Europameesterschap 1972 (wat dormals blots en Mini-Turnier bestahnd ut Halffinale un Finale weer) sien eersten internatschonalen Titel.
Bi de Weltmeesterschap 1974 in Düütschland wurr Grabowski Weltmeester. Nahdem he wegen swaak Leistungen in de Vörrunn vörövergahnd in Ungnade fallen weer, wurr he in dat dramatisch Tüschenrunnenspeel gegen Schweden in sien „Mexiko-Rull“ as Utwesselspeler to'n Matchwinner un kunn dormit sien Stammplatz torüchhalen. In dat Quasi-Halffinale gegen Polen un bi dat Finale gehör he to de best düütsch Speler. Dat 2:1 in't Finale gegen de Nedderlannen weer ok sien letzt Länderspeel; dat funn todem an sien 30. Gebortsdag statt.
Wegen sien deelwies herutragend Leistungen in dat Trikot vun de Frankfurter Eintracht in de tweet Hälft vun de 1970er-Johren un wiel he um en Speelmaker verlegen weer, hett de dormalige Bundstrainer Helmut Schön versöcht, Grabowski in't Vörfeld vun de Football-Weltmeesterschap 1978 in Argentinien to en Comeback in de Natschonalmannschap to överreden, wat de aber nah eenig Bedenktiet aflehnt hett.
Grabowski weer Vörstand vun de Schlappekicker-Aktschoon vun de Frankfurter Rundschau, de ünner annern in Not geraden Sportler ünnerstütt. Nah dat Karriereende bedreev he en Versekerungsagentur vun de Gothaer Versekerung.[1]
LIMS forum content by LIMS forum members is licensed under a Creative Commons Attribution-NonCommercial-ShareAlike 4.0 International License. Based on a work at www.limsforum.com.
