Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
|
Zie Georgia (duurverwiesziede) vuur aandere betekenissen van Georgia. |
Georgia (/ˈdʒɔrdʒə/) is ne stoat van Amerika. t Was ene van de oolde Darteen Kolonies dee't in opstaand kömn teegn de Britn in n Amerikaansen Opstaand. t Was de leste stoat van de dartene, den't in 1733 wör in esteeld. Georgia was de veerde stoat den't n Amerikaansen Groondwet an nam op 2 jannuwoari 1788. Op 21 jannuwoari 1861 verkloarden Georgia zik onofhaankelik van de Unie, en was een van de eerste Confederasiestoatn. Georgia wör as leste stoat in 1870 wier bie de Unie edoan.
Met ongevear 9.685.744 inwonners steet Georgia op de neegnde plaatse van Amerika wat antal inwonners angeet. Tusken 2007 en 2008 heurdn 14 proveensies van Georgia töt de härdstgröainde van Amerika, met allene Texas boawn zik. Georgia is bekeand as n Perzikstoat en de Rieksstoat van t Zuudn. De heuwdstad is Atlanta, den't ook de meeste inwonners hef.
Op t zuudn van Georgia ligt Florida, op t oostn n Atlantiesn Oseaan en Zuud-Carolina, op t westn Alabama en op t noorden Tennessee en Noord-Carolina. t Noordn van de stoat ligt in de Blauwraandboargen, ne boargriege in t grote Appalachiese Boargenstelsel. De middelste vlakte löp van de heuwels töt an t peunt woer t vlakke groond oawer geet op rotsgroond. t Heugste peunt van Georgia is Brasstown Bald met 1458 meter. t Leegste peunt is de zeespegel.
Georgia hef ne oppervlakte van 153,909 km². De stoat is de grötste op t oosten van de Mississippirivier wat laandoppervlakte angeet, terwiel t de veerde-grötste is noa Michigan, Florida en Wisconsin in totale oppervlakte, umdet bie disse berekning ook wateroppervlaktes wordt met eteeld.
| Verenigde Staoten van Amerika |  | |||||
|---|---|---|---|---|---|---|
|
LIMS forum content by LIMS forum members is licensed under a Creative Commons Attribution-NonCommercial-ShareAlike 4.0 International License. Based on a work at www.limsforum.com.
