Knowledge Base Wiki

Збороред^[1] — поим во лингвистиката кој се однесува на проучувањето на редоследот на синтаксните елементи на еден јазик, но и какви видови зборореди постојат меѓу јазиците. Главниот збороред кој е од интерес е „составниот редослед“ на дел-реченицата, односно релативниот редослед на подметот, предметот и прирокот, редоследот на придавките, броевите, показните зборови во именската фраза и останати прилози.

Некои јазици имаат релативно строг збороред, кои често се ослонуваат на редоследот за да се изразат некои граматички функции/ информации. Од другата страна пак, јазиците имаат флекција, односно користат афикси, имаат пофлексибилен збороред. Како и да е, секој јазик претпочита еден збороред кој се користи најчесто.^[2]

Постојат повеќе видови зборореди, кои се класифицираат од најчесто застапени до најретко застапени:

• подмет-предмет-прирок — најчесто застапен меѓу јазиците. Некои од јазиците кои го користат овој збороред се: јапонски јазик, турски јазици, баскиски јазик, дравидски јазици, персиски јазик, латински јазик и сл.
• подмет-прирок-предмет — застапен во македонскиот, англискиот, романските јазици, кинескиот јазик и сл.
• прирок-предмет-подмет — застапен во арапскиот јазик, келтските јазици и хавајскиот јазик, меѓу другите.
• прирок-предмет-подмет — застапен во фиџискиот и малгашкиот јазик.
• предмет-прирок-подмет — застапен во тамилскиот јазик.
• предмет-подмет-прирок — застапен во јамамадискиот јазик.

• Синтакса
• Морфосинтакса
• Збор