Knowledge Base Wiki

Dësen Artikel beschäftegt sech mat dem Inselstaat an der Karibik. Fir aner Definitioune mat engem änlechen Numm, kuckt wgl. Granada (Homonymie).

Grenada
Saint George's
Geographie
Kontinent	Nord- a Mëttelamerika
Land	Grenada
Läit an/am	Karibescht Mier
Gehéiert zu	Kleng Antillen, Inselen iwwer dem Wand, Karibik
Koordinaten	12°7'0,01"N, 61°40'0,01"W
Fläch	348,5 km²
Verwaltung
Haaptuert	St. George’s
Demographie
Awunner	114.299
Awunnerdatum	2023
Liewenserwaardung	73,659 a
Aner Informatiounen
Entdeckt	1498 (julianesch)
Genannt no	Granada
Zäitzon	UTC−4
Nationalhymn	God Save the King
Internet TLD	.gd
Internat. Telefonsprefix	+1473
Lag vu Grenada an der Karibik

Grenada, op Englesch offiziell State of Grenada, ass en Inselstaat a Mëttelamerika.

D'Insel gehéiert zu den Inselen iwwer dem Wand a läit tëscht der Karibik an dem Atlanteschen Ozean, ronn 200 km nërdlech vun der Küst vu Venezuela a südlech vu Saint Vincent an d'Grenadinnen.

Grenada ass Member vum Commonwealth of Nations.

De Staat besteet aus verschiddenen Insele vum Archipel vun de Grenadinnen, engem Deelarchipel vun de Klengen Antillen, vun deenen d'Insel Grenada selwer déi gréisst ass. Méi kleng Insele Si Carriacou, Petite Martinique, Ronde Island, Caille Island, Diamond Island, Large Island, Saline Island, Les Tantes a Frigate Island. Déi Inselen, déi méi nërdlech leien, gehéieren zum Nopeschstaat Saint Vincent an d'Grenadinnen. De gréissten Deel vun der Bevëlkerung lieft op der Haaptinsel Grenada, op där och d'Haaptstad Saint George's, läit.

Grenada gouf 1498 vum Kolumbus entdeckt, deen d'Insel „Concepción“ genannt hat. Den Urspronk vum Numm „Grenada“ ass net bekannt, et gëtt awer ugeholl datt d'Insel méi spéit vu spuenesche Séifuerer no der Stad Granada ëmbenannt gouf.

Déi offiziell Sprooch op Grenada ass Englesch, do dernieft gëtt och Kreolesch geschwat.

Grenada ass eng Parlamentaresch Monarchie.

• Granada

Commons: Grenada – Biller, Videoen oder Audiodateien