Knowledge Base Wiki

Alkuna iku hidrokarbon ora jenuh sing duwé ikatan rangkap telu. Lumrahé, rumus kimiané C_nH_2n-2. Salah sijiné ya iku etuna sing karan uga minangka asetilen sajeroning perdagangan utawa menangka pengelasan.

Kabèh anggota alkuna mawa akiran-una lan miturut IUPAC.

Kanggo alkuna ranté lurus, dijenengi selaras karo alkana kanthi gunggung atom karbon sing padha, nanging diakiri mawa-una. Ing ngisor iki alkuna mawa gunggung atom karbon 2-10 diarani:

• Etuna, C₂H₂
• Propuna, C₃H₄
• Butuna, C₄H₆
• Pentuna, C₅H₈
• Heksuna, C₆H₁₀
• Heptuna, C₇H₁₂
• Oktuna, C₈H₁₄
• Nonuna, C₉H₁₆
• Dekuna, C₁₀H₁₈

Kanggo mènèhi jeneng alkuna kanthi ranté mawa cawang padha mèmper karo alkana ranté mawa cawang. Nanging "ranté utama" ing prosès pamènèhan jeneng kudu liwat ikatan rangkap 3, lan prioritas panomeran diwiwiti saka pujok sing paling cerak marang rangkap 3.