Knowledge Base Wiki

Claude Cohen-Tannoudji
Irudi gehiago
Bizitza
Jaiotza	Konstantina, 1933ko apirilaren 1a (91 urte)
Herrialdea	Frantzia
Familia
Haurrideak	ikusi Gilles Cohen-Tannoudji
Hezkuntza
Heziketa	École normale supérieure Parisko Unibertsitatea Lycée Émir Abdelkader (en) Parisko Zientzien Fakultatea École de Physique des Houches (en)
Hezkuntza-maila	katedraduna
Tesi zuzendaria	Alfred Kastler Pierre Daure
Doktorego ikaslea(k)	Serge Haroche Jean Dalibard (mul)
Hizkuntzak	frantsesa
Ikaslea(k)	ikusi Serge Haroche
Jarduerak
Jarduerak	fisikaria, unibertsitateko irakaslea eta ikertzailea
Enplegatzailea(k)	Collège de France  2004) Pierre eta Marie Curie Unibertsitatea  1973) Parisko Unibertsitatea Parisko Zientzien Fakultatea  1970) Kastler–Brossel Laboratory (en) Leidengo Unibertsitatea  (1988 -  1988) Leidengo Unibertsitatea  (1988ko urtarrilaren 6a -  1988ko uztailaren 1a)
Jasotako sariak	ikusi Great Cross of the National Order of Scientific Merit  (2004) CNRS Urrezko domina  (1996) Fisikako Nobel Saria  (1997) Harvey Prize  (1996) Jean-Ricard Prize  (1971) Three Physicists Prize  (1986) Paul Langevin Award  (1963) Gay-Lussac-Humboldt-Prize  (1990) Charles Hard Townes Award  (1993) Ohorezko Legioko gurutze handia  (2016ko martxoaren 25a) Matteucci domina  (1995) Prix Ampère  (1979) Young Medal and Prize  (1979) Honorary doctor of the University of Liège  (2000) honorary doctor of the Université libre de Bruxelles  (1999) honorary doctor of the Bar-Ilan University  (1999) Jerusalemgo Unibertsitate Juduko honoris causa doktoregoa  (1998) honorary doctor of Tel Aviv University  (2004) honorary doctor of Ben-Gurion University  (2007) honorary doctor of the University of Uppsala  (1994) Fellow of the American Physical Society  (1985) CNRS silver medal  (1964) Lilienfeld Prize  (1992) honorary doctor of Royal Institute of Technology  (1998) Gold medal of the Spanish National Research Council  (2005eko maiatzaren 10a)
Kidetza	Frantziako Zientzien Akademia Linzeen Akademia Zientzien Pontifize-Akademia Ameriketako Estatu Batuetako Zientzien Akademia Nazionala Zientzien Errusiar Akademia Royal Academy of Science, Letters and Fine Arts of Belgium (en) Arteen eta Zientzien Ameriketako Estatu Batuetako Akademia Indiako Zientzien Akademia Nazionala Brazilian Academy of Sciences (en) Ameriketako Fisika Elkartea European Academy of Science, Arts and Letters (en) Academia Europaea (en)

Claude Cohen-Tannoudji (Konstantina, Aljeria, 1933ko apirilaren 1a) frantziar fisikaria da. Parisko ENS (École Normale Supérieure) delakoan egin zituen ikasketak, Alfred Kastler (1966an Fisikako Nobel Saria irabazi zuena) eta Jean Brossel irakasle zituela. Cohen-Tannoudjik 1962an eskuratu zuen fisikako doktoregoa, Parisko ENSn. 1964tik 1973ra Parisko Unibertsitateko irakasle izan zen. Cohen-Tannoudjiren ikerkuntza-lana beste bi fisikarik aurrez egindako ikerketen argitan ulertu behar da. 1985ean, Steven Chu doktoreak atomoen lastertasuna 4.000 km/ordukoa izatetik 1 km/ordukoa izateraino mantsotzea lortu zuen, eta era horretan askoz hobeto aztertu ahal izan ziren. Atomoen tenperatura, bestalde, gradu baten 240 milioirenekoa izateraino jaitsi zuen, zero absolutuaren gainetik. William Phillipsek, bere aldetik, atomoak oraindik gehiago hoztea lortu zuen: gradu baten 40 milioirenera, zero absolutuaren gainetik. Cohen-Tannoudjik eta bere taldeak, berriz, 1995ean, laser-teknikak erabiliz, gradu baten 0,2 milioireneraino jaitsi zuten atomoen tenperatura, zero absolutuaren gainetik, eta lastertasuna bi zentimetro segundokoa izateraino moteldu zuten. Cohen-Tannoudjiren laser-teknikei esker egindako erloju atomikoak ordu arte egindako erlojurik doienak izan ziren. Oso ospetsua da, halaber, frantses fisikariak quantumen mekanikaz argitaratutako lana, mundu guztiko ikasleek erabili baitute.^[1] 1997an, Fisikako Nobel Saria jaso zuen, Steven Chu eta William Phillipsekin batera.