Knowledge Base Wiki

Irlan (hurup Arab Gundul: ايرلند; Ir: Éire) atawa Negeri Ir^[1] (hurup Arab Gundul: نݢرى اير) entu atu negara Èropa nyang ada di Pulo Ir. Ni negara – atu anggota deri Uni Èropa. Kadang-kadang, ni negara digeronya Kiblik^[2] Irlan (hurup Arab Gundul: کبليک اير) bakal ngebèdain antara negara Irlannya ama pulonya. Cuman, Irlan – èmang dia punya nama resmi. Ni negara ngelingkup 5/6-nya deri ni Pulo Ir, nyang 1/6-nya lagi entu negara Irlan Lor, nyang masing bagèan deri Britani Gedé. Dia punya hopstad^[3] namanya – Dublin. Ni negara penduduknya – 4,9 juta orang. Basa Inggris dipaké jadi basa nyang paling sering dipaké omong. Adapun basa Ir sendèwèk diajarin di mana-mana sekolah di Irlan, èn masing dipaké di beberapa bilangan negeri, nyang digero' sebagé Gaeltacht. Bagèn begitu, basa Ir entu dia punya basa resmi pertama, abis entu – basa Inggris.

Orang Irlan digero'nya orang Ir (hurup Arab Gundul: اورڠ اير).

1. ↑ "Negeri Prasman". Bintang Betawi. (30 April 1873). Ditulisnya di tu koran – negeri Ier.
2. ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kiblik (hurup Arab Gundul: کبليک) – republik (Indo.); republic (Ing.).
3. ↑ Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).