Infrastructure tools to support an effective radiation oncology learning health system

A cucina hè l'inseme di e tecniche di preparazione di l'alimenti in u scopu di a so consomazione da esseri umani. Ci hè una grande diversità di e gastronomie tra u mondu, è u tempu, postu chi hè influenzata da è risorse locale, a cultura è e credenze, o ancu u stadu d'evoluzione di e tecniche.

Clicatte qui pè leghjè l'articulu cumpiettu nant'a cucina antica

A parte di testi cunservati da l'Antiquità, o d'ugetti ritrovi durante sbulechi archeologichi, pudemu avè una idea di ciò ch'era a cucina di 'ssi tempi antichi.

A cucina tradiziunale hè a preparazione di piatti in u rispettu di a tradizione d'un rughjone. Esempii sò u cassoulet in u rughjone di Castelnaudary, a paella in Spagna o torna i storzapreti in Corsica.

Lista di qualchi ricette tradiziunale francese cunnisciute :

• impulighjata britonna
• «fondue», sputicu di l'Alpe
• «cassoulet», piattu di fasgioli cù carne d'anatra, sputicu di u rughjone di Toulouse
• a flammekueche d'Alsazia

• 
  Caraibe, Bovu, pulastru, fasgioli è banana in un piattu
• 
  «Fondue»
• 
  Togo, Cinque Ablo di granone
• 
  Tailandia, Pae cha pashonn (Pescii et legumi)
• 
  Tolosa, «caçolet», o «cassoulet» in francese
• 
  Britannia, impulighjata britonna tradiziunala

A cucina gastronomica hè una cucina di lussu, simbolu di qualità. Impiega produtti «nobili» cume u caviar.

L'apelazione «nuvella cucina», impiegata digià in u 18u seculu pè traduce u rigettu di e tradizione anziane, rivene in l'anni 1970.

A nuvella cucina privileghja e cucere corte, è e salze legere. Incurage l'inventività è a messa in causa di l'alianze abituale di i produtti (carne è vinu rossu, pesciu è vinu biancu, ecc...)

Invece hè assai criticata, sopratuttu pè e so porzione ridutte, ha una influenza maiò nantu u restu di a gastronomia.

A cucina molecularia studia u materiu elementariu compunendu l'ingredienti, pè ottimizà e reazzione chimiche chi s'operanu in i mischji, e cucere, ecc... U so scopu hè di ammaistrà 'ssi fenomeni chimichi chi accadenu in a cucina.

Cliccate qui pè leghjè l'articulu cumpiettu nant'à cucina corsa

A Corsica cunnosce una gastronomia propia à a so cultura, caracterisata da l'impiegu importante di castagne (farina castagnina, ecc...), di granu (cume in tutte e cucine occidentale), di carne purcina (cignale, carnugliu purcinu), è di latte (casgiu).

Esempii di ricette di cucina corsa sò :

E ricette di cucina, ma ancu a manera di manghjà, cambianu d'un rughjone à l'astru, d'una cultura à l'astra. A cucina face dunque parte di l'imagine d'un paese è di a so cultura. Face parte ancu di a so identità naziunale cume patrimoniu culturale naziunale. A difusione di una cucina naziunale in u mondu è dunque un elementu di l'irradiamentu culturale di 'ssu paese. Esempii chi lu mostranu sò a cucina francese, americana (fast food) o torna taliana. A u cuntrariu, a cucina di qualchi paesi, cume u Regnu Unitu o a Russia, pertantu putenti ùn s'hè mai sparsa in lu mondu.

Di manera generale, a sociologia cunsidera a cucina cume un fenomenu privatu. Pertantu, dapoi u 20u seculu, a cucina hè diventatu ùn ugettu di a politica sanitaria (prublemi di «malbouffe», di obesità, ecc...).

A cucina hè ancu stata cunsiderata cume un arte.

I produtti culinarii si pudenu consumà in parechji lochi. U più spessu, si consumanu in casa soia, ma ci sò ancu i restoranti, e cantine, o i fast-food.

Pè cucinà, ci volè à ammaistrà tecniche particularie, cume u cundiziunamentu di l'alimenti, a selezzione di i produtti, o ancu i modi di cucera.

• pumata
• ragnoli

• Ricette di cucina corsa (in francese)