FAIR and interactive data graphics from a scientific knowledge graph

Coordinates: 31°12′N 88°48′E / 31.2°N 88.8°E / 31.2; 88.8

								Greater Tibet as claimed by Tibetan exile groups
								Tibetan autonomous areas, as designated by China
								Tibet Autonomous Region, within China
								Chinese-controlled, claimed by India as part of Ladakh
								Indian-controlled, parts claimed by China as South Tibet
								Other areas historically within the Tibetan cultural sphere

ᱛᱤᱵᱵᱚᱛ (ᱛᱤᱵᱵᱚᱛᱤ: བོད་, ᱪᱟᱭᱱᱤᱡᱽ: 西藏, ᱥᱤᱪᱟᱝ) ᱥᱟᱢᱟᱝ ᱮᱥᱤᱭᱟ ᱨᱮᱱᱟᱜ ᱛᱤᱵᱵᱚᱛᱤ ᱞᱩᱜᱷᱩᱵᱩᱨᱩ (Tibetan plateau) ᱪᱮᱛᱟᱱ ᱨᱮ ᱢᱮᱱᱟᱜ ᱴᱚᱴᱷᱟ ᱠᱟᱱᱟ ᱾ ᱱᱚᱶᱟ ᱫᱚ ᱱᱟᱜᱟᱢᱤᱭᱟᱹ ᱞᱮᱠᱟᱛᱮ ᱛᱤᱵᱵᱚᱛᱤ ᱦᱚᱲ ᱠᱚᱣᱟᱜ ᱡᱟᱱᱟᱢ ᱫᱤᱥᱟᱹᱢ ᱠᱟᱱᱟ, ᱚᱱᱟ ᱥᱟᱶ ᱟᱫᱚᱢ ᱮᱴᱟᱜ ᱡᱟᱹᱛᱤ ᱜᱷᱟᱨᱚᱸᱡᱽ ᱨᱮᱱ ᱦᱚᱲ ᱢᱳᱱᱯᱟ, ᱛᱟᱢᱟᱝ, ᱥᱮᱨᱯᱟ, ᱠᱤᱭᱟᱝ ᱟᱨ ᱱᱮᱛᱟᱨ ᱫᱤᱱ ᱨᱮ ᱟᱹᱰᱤᱜᱟᱱ ᱦᱟᱱ ᱪᱟᱭᱱᱤᱡᱽ ᱟᱨ ᱦᱩᱭ ᱦᱚᱲ ᱠᱚᱦᱚᱸ ᱠᱚ ᱛᱟᱦᱮᱱ ᱠᱟᱱᱟ ᱾ ᱛᱤᱵᱵᱚᱛ ᱫᱷᱟᱹᱨᱛᱤ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱩᱥᱩᱞ ᱴᱚᱴᱷᱟ ᱠᱟᱱᱟ, ᱱᱚᱸᱰᱮᱱᱟᱜ ᱞᱮᱠᱷᱟᱜᱩᱴ ᱩᱥᱩᱞ ᱕,᱐᱐᱐ ᱢᱤᱴᱟᱨ (᱑᱖,᱐᱐᱐ ᱯᱷᱩᱴ) ᱠᱟᱱᱟ ᱾ ᱛᱤᱵᱵᱚᱛ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱩᱥᱩᱞ ᱴᱷᱟᱹᱶ ᱫᱚ ᱢᱟᱶᱴ ᱮᱵᱷᱚᱨᱮᱥᱴ ᱫᱚᱨᱮᱭᱟ ᱟᱴᱮᱫ ᱠᱷᱚᱱ ᱘,᱘᱔᱘ ᱢᱤᱴᱟᱨ (᱒᱙,᱐᱒᱙ ᱯᱷᱩᱴ), ᱡᱟᱦᱟᱸ ᱫᱚ ᱡᱮᱜᱮᱛ ᱨᱮᱱᱟᱜ ᱦᱚᱲ ᱥᱟᱱᱟᱢ ᱠᱷᱚᱱ ᱩᱥᱩᱞ ᱴᱷᱟᱹᱶ ᱠᱟᱱᱟ ᱾

ᱱᱚᱶᱟ ᱴᱚᱴᱷᱟ ᱨᱮᱱᱟᱜ ᱛᱤᱵᱵᱚᱛᱤ ᱧᱩᱛᱩᱢ ᱫᱚ ᱵᱳᱫᱽ (བོད་) ᱢᱮᱱᱮᱫ 'ᱛᱤᱵᱵᱚᱛ', ᱢᱮᱱᱠᱷᱟᱱ ᱱᱚᱶᱟ ᱨᱮᱱᱟᱜ ᱟᱥᱚᱞ ᱢᱮᱱᱮᱫ ᱫᱚ ᱞᱟᱥᱟ ᱟᱰᱮᱯᱟᱥᱮ ᱛᱟᱞᱢᱟ ᱴᱚᱴᱷᱟ, ᱱᱮᱛᱟᱨ ᱱᱚᱶᱟ ᱛᱤᱵᱵᱚᱛᱤ ᱭᱩ (དབུས) ᱢᱮᱱᱛᱮ ᱵᱟᱲᱟᱭᱚᱜᱼᱟ ᱾

ᱯᱟᱹᱱᱟᱹᱨᱥᱤᱭᱟᱹ (Linguists) ᱠᱚ ᱛᱤᱵᱵᱚᱛᱤ ᱯᱟᱹᱨᱥᱤ ᱪᱤᱱᱟᱼᱛᱤᱵᱵᱚᱛᱤ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱱᱟᱜ ᱯᱟᱹᱨᱥᱤ ᱢᱮᱱᱛᱮ ᱠᱚ ᱦᱟᱹᱴᱤᱝ ᱟᱠᱟᱫᱟ ᱾ ᱯᱟᱹᱨᱥᱤ ᱨᱮᱱᱟᱜ ᱟᱭᱢᱟ ᱴᱚᱴᱷᱟᱠᱤᱭᱟᱹ ᱪᱟᱸᱜᱟ ᱯᱟᱹᱨᱥᱤ ᱠᱚ ᱢᱮᱱᱟᱜᱼᱟ ᱾ ᱱᱚᱶᱟ ᱠᱚᱫᱚ ᱵᱷᱩᱴᱟᱱ, ᱱᱮᱯᱟᱞ ᱮᱛᱚᱢ ᱥᱤᱧᱚᱛ ᱨᱮᱱᱟᱜ ᱥᱤᱠᱠᱤᱢ ᱠᱚᱨᱮ ᱦᱚᱠᱚ ᱨᱚᱲ ᱜᱮᱭᱟ ᱾ ᱛᱤᱵᱵᱚᱛ, ᱠᱷᱮᱢ, ᱟᱢᱫᱳ ᱟᱨ ᱟᱰᱮᱯᱟᱥᱮ ᱨᱮᱱᱟᱜ ᱦᱩᱰᱤᱝ ᱯᱟᱹᱨᱥᱤ ᱠᱚ ᱛᱤᱵᱵᱚᱛᱤ ᱯᱟᱹᱨᱥᱤ ᱨᱮᱱᱟᱜ ᱪᱟᱸᱜᱟ ᱯᱟᱹᱨᱥᱤ ᱞᱮᱠᱟᱛᱮ ᱵᱟᱲᱟᱭᱚᱜᱼᱟ ᱾ ᱱᱚᱶᱟ ᱨᱮᱱᱟᱜ ᱮᱴᱟᱜ ᱢᱟᱱᱚᱠ, ᱡᱮᱞᱮᱠᱟ ᱡᱚᱝᱠᱷᱟ, ᱥᱤᱠᱠᱤᱢᱤᱥ, ᱥᱮᱨᱯᱟ ᱟᱨ ᱞᱟᱫᱟᱠᱷᱤ ᱯᱟᱹᱨᱥᱤ ᱠᱚᱫᱚ ᱨᱚᱲ ᱦᱚᱲ ᱟᱨ ᱨᱟᱡᱽᱟᱹᱨᱤ ᱠᱟᱨᱚᱱ ᱛᱮ ᱮᱴᱟᱜ ᱯᱟᱹᱨᱥᱤ ᱢᱮᱱᱛᱮ ᱵᱟᱲᱟᱭᱚᱜᱼᱟ ᱾ ᱱᱟᱦᱟᱜ ᱫᱤᱱ ᱟᱢᱫᱟᱡᱽ ᱑᱕᱐,᱐᱐᱐ ᱜᱟᱱ ᱥᱤᱧᱚᱛ ᱨᱮ ᱦᱮᱡ ᱟᱠᱟᱱᱟ ᱦᱚᱲ ᱱᱚᱶᱟ ᱛᱤᱵᱵᱚᱛᱤ ᱯᱟᱹᱨᱥᱤ ᱛᱮᱠᱚ ᱨᱚᱲᱼᱟ ᱾

ᱛᱤᱵᱵᱚᱛ ᱥᱟᱵᱽ ᱠᱟᱛᱮᱡ, ᱱᱮᱛᱟᱨᱟᱜ ᱜᱚᱴᱟ ᱪᱤᱱ ᱥᱟᱱᱟᱢ ᱜᱮ ᱥᱟᱢᱟᱝ ᱮᱥᱤᱭᱟ ᱨᱮᱱᱟᱜ ᱴᱚᱴᱷᱟ ᱢᱮᱱᱛᱮ ᱵᱟᱲᱟᱭᱚᱜᱼᱟ ᱾ ᱱᱟᱜᱟᱢ ᱜᱮ, ᱟᱫᱚᱢ ᱤᱣᱨᱳᱯᱤᱭᱟᱱ ᱥᱳᱨᱥ (source) ᱛᱤᱵᱵᱚᱛ ᱨᱮᱱᱟᱜ ᱟᱫᱚᱢ ᱴᱚᱴᱷᱟ ᱛᱟᱞᱢᱟ ᱮᱥᱤᱭᱟ ᱨᱮ ᱢᱮᱱᱟᱜᱼᱟ ᱢᱮᱱᱛᱮ ᱠᱚ ᱢᱚᱱᱮᱭᱟᱫ ᱛᱟᱦᱮᱫᱽ ᱾

ᱛᱤᱵᱵᱚᱛ ᱨᱮ ᱡᱮᱜᱮᱛ ᱨᱮᱱᱟᱜ ᱟᱭᱢᱟ ᱜᱟᱱ ᱩᱥᱩᱞ ᱵᱩᱨᱩ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱡᱮᱜᱮᱛ ᱨᱮᱱᱟᱜ ᱪᱮᱛᱟᱱ ᱑᱐ ᱜᱚᱴᱟᱝ ᱛᱷᱚᱠ ᱨᱮ ᱥᱮᱞᱮᱫ ᱢᱮᱱᱟᱜᱼᱟ ᱾ ᱢᱟᱶᱴ ᱮᱵᱷᱚᱨᱮᱥᱴ ᱘,᱘᱔᱘ ᱢᱤᱴᱟᱨ (᱒᱙,᱐᱒᱙ ᱯᱷᱩᱴ), ᱱᱮᱯᱟᱞ ᱥᱟᱶ ᱥᱤᱢᱟᱹᱱᱟ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱜᱮ ᱡᱮᱜᱮᱛ ᱨᱮᱱᱟᱜ ᱩᱥᱩᱞ ᱵᱩᱨᱩ ᱠᱟᱱᱟ ᱾ ᱮᱭᱟᱭ ᱢᱩᱬᱩᱛ ᱜᱟᱰᱟ ᱱᱚᱶᱟ ᱛᱤᱵᱵᱚᱛ ᱞᱩᱜᱷᱩᱵᱩᱨᱩ ᱠᱷᱚᱱ ᱥᱤᱨᱡᱚᱱ ᱠᱟᱱᱟ ᱾ ᱱᱚᱶᱟ ᱠᱚᱫᱚ ᱭᱟᱝᱡᱤ, ᱦᱩᱭᱟᱝ ᱦᱳ (Yellow river), ᱥᱟᱝ ᱱᱟᱹᱭ, ᱢᱮᱠᱚᱝ ᱜᱟᱰᱟ, ᱜᱟᱝᱱᱟᱹᱭ, ᱥᱟᱞᱵᱷᱤᱱ, ᱵᱨᱚᱦᱢᱚᱯᱩᱛᱨᱚ ᱜᱟᱰᱟ ᱮᱢᱟᱱ ᱾

• Tibetan Government in Exile's main web site
• Tibetan Government in Exile's government site
• Students for a Free Tibet's website
• People's Movement For An Independent Tibet
• International Campaign for Tibet
• News Site

• Tibetan History on the China Tibet Information Center of the PRC Archived ᱡᱩᱞᱟᱭ ᱒᱑, ᱒᱐᱐᱙ at the Wayback Machine.
• White Paper on Tibetan Culture and Homa

• Tibetan Studies Internet Resources
• Tibet - gambar
• Haiwei Trails - Timeline of Tibet
• The Language of Tibet

• ᱥᱟᱹᱠᱷᱭᱟᱹᱛ