FAIR and interactive data graphics from a scientific knowledge graph

Dr Silvester III. (vorhär Giovanni de’ Crescenzi Ottaviani oder Johannes, Bischof vu Sabina; † vor em Oktober 1063) isch no dr Verdrybig vum Benedikt IX. uf Druck vu syre Familie, dr Crescentier, wu um d Johrdöusertwändi iber Rom gherrscht hän, am 13. oder 20. Jännr 1045 zum Papscht gwehlt wore.

D Bartei vu dr Patrizierfamilie vu dr Crescentier het iri Macht 1012 an s Gschlächt vu dr Tuskulaner verlore ghaa un het mit dr Hebig vum Silvester zum Papscht ire Yyfluss welle zruggwinne. Dr Johannes isch vor syre Wahl Bischof vu Sabina gsii, d Wahl zum Papscht het er schyns nit gärn aagnuu, wel er het mieße aanee, ass dr Benedikt allno ne Hufe Aahänger ghaa het. Anderi Quälle sachrybe, dr Silvester III. heeb sy Amt gchauft.

Un wirkli isch dr Silvester uf dr Synod vu Sutri, wu am 20. Dezämber 1046 aagfage het, dur d Bartei vu dr Tuskulaner zum »Yydringling« erklert wore, am 24. Dezämber abgsetzt un zue Chloschterhaft verurdailt wore.

D Verurdailig isch aber schyns ufghobe wore, wel er ni bis zue sym Dood s Bischtum Sabina verwaltet het.

Vu verschidene Quälle wird dr Silvester III. e legitime Papscht wie aber au e Gegepapscht gnännt. D Legitimitet vu sym Pontifikat cha mer hite nimi ufklere.

• Antonio Sennis: Silvestro III. In: Massimo Bray (Hrsg.): Enciclopedia dei Papi. Band 2: Niccolò I, santo, Sisto IV. Istituto della Enciclopedia Italiana, Rom 2000, S. 147–148 (treccani.it)..

 Commons: Silvester III. – Sammlig vo Multimediadateie

• Silvester III., In: Salvador Miranda: The Cardinals of the Holy Roman Church, online uf fiu.edu, Websyte vu dr Florida International University, abgruefen am 21. November 2011. (änglisch)

Dä Artikel basiert uff ere fräie Übersetzig vu dere Version vum Artikel „Silvester_III“ vu de dütsche Wikipedia. E Liste vu de Autore un Versione isch do z finde.